尋晚同它豆睇波睇到今朝5點幾..

訓訓訓..訓到12點幾先起身..

起身o既時候..老豆地同個妹都唔見左..

阿公話個妹跟左佢地喎..

哦..咁呀..咪..打下機先囉..

打到點幾..老豆打黎..話一陣間去飲茶..

叫我地搵位-.-

我唔想去架..不過無辦法..都係要去-.-

2點半到落到去..差唔多3點就有位喇..

叫佢地黎..食到..4點幾-.-

之後返鋪頭..hea..heahea下同左老豆行出去..

行左個圈..傾計..又係d煩野..

家庭問題同埋..又講我><

之後佢同個妹返鋪頭先..我就要拎window俾敖敖..

再返鋪頭..繼續傾..

傾傾下..alice又出埋黎..

咁我唔記得講開乜..

我突然好噪..用粗口頂左alice2句..

之後佢又嬲左喇..又返入房喇..

然後..老豆又同我講道理..唉..好煩呀

放完狗..話去食飯..老豆又話無心情呀..唔食呀咁喇..

不過最後都係去左食..

食完o既時候老豆又講..唉..

我心諗..唔好x煩喇..算啦..

諗起三舅父o既一招..咁我就問..老豆:(佢)我唔係咁叫架..不過我唔識打..

佢鍾意食d乜野糖水架..等戟用我o既身份買俾佢..拎埋入去房喇..

(我明白乜野叫做退一步海闊天空)

老豆本身想俾錢我買架..不過我緊係要話自己出錢啦..

之後我又同老豆講..我要做就做到咁喇..

之後睇你自己喇..咁就同個妹返屋企喇..

返到去..打機..打打下阿婆又出黎同我講野..又係煩野><

阿婆講完之後我就打俾家姐喇..

同佢傾下..大家o既結論都係一個字..煩><

12點幾..傑佬打俾我..我距同佢講下囉..

佢亦都對果個問題俾左d意見..好煩呀><

不過其實哩個問題都預左會發生架喇(我唔係講緊同alice嘈..)

佢都覺得係一個難o既問題......

傾傾下..有人打黎..下..又係咁..

打黎o既人係..shirley..

唔駛問..又係果個問題..佢又話同bf嘈喎..上一次搵我之後..

佢地又好返過..而今次佢話一定唔會再同佢一齊喎..

不過我又係果句..我覺得會無事..

同佢傾左陣..大家o既電話都無電..而我個電話仲斷埋線..

佢話佢聽日返我喎..

之後打返俾傑佬..吹多陣..沖涼

打多陣機..訓喇..

因為西班牙輸左..所以無乜心情打日記-.-

到今日心情先平服返少少..因為連巴西都輸俾法國..

咁西班牙輸3:1都唔係好有問題o姐><

今日我又係起身睇左2集(王子)

2點幾落鋪頭..

都係heahea下咁啦..

6點幾收鋪..去食飯..

食完又走人喇..

返屋企等11點睇波..

老豆話佢今日都要上黎睇返2場波喎..

開左波3分鐘佢上到黎..

今晚頭場係英格蘭對葡萄牙..尾場係法國對巴西

唉…我一心諗住西班牙衰左就睇英格蘭啦..

今場佢地係打得好好架..不過因為有d人為錯誤..又因為輸一d運氣..

結果係打足120分鐘分唔到勝負..互射 12碼..英格蘭..輸..3:1><><

有d失望啦..不過其實西班牙輸左..對我黎講..世界盃都完左架喇..

完場o既時候睇到一d英格蘭球完..踢得好好不過失敗o既果一種失落表情..有d
仲喊埋..都真係睇到有d心傷..

完左一場之後仲有一個鍾先開始第2場..

老豆話去訓一訓喎..我就緊係唔訓啦..

日日都無訓一訓o既習慣架喎..

打機..開波5分鐘老豆都未出黎..我仲以為佢會起唔到身添..

不過佢又得喎..

今場波可觀性都好高架..先唔好理有無人打假波..

不過我就feel到..就算你法國係勁..都無咁易令巴西輸俾你呀..

不過巴西又真係輸左喎..

所以我有少少覺得......

睇完..大家就去訓喇..

今日12點幾起身..無乜野做

整左野食俾自己食..

一路食一路上返now個網睇王子變青蛙..

之前都有追開架..不過佢一個星期先up3集

所以我等左幾個星期先再追..而家30集靜返6集未up..

ok啦^^無睇一排再睇返..一樣咁好睇..

今日睇左2集半..老豆打俾我話要上上環..

哦..果陣差唔多3點..落鋪頭..

落到去..等左陣..行人..

今日因為唔多..所以無用車..我自己搭地鐵上去..

搭搭下地鐵o既時候..噫..有個人好熟面口喎

原來係阿sir..我都feel到會見到佢架喇..

因為時間差唔多ma..

過去同佢吹左陣水..唉..俾佢問返我拎60蚊添

上次去唱k睇波..有60蚊未俾-.-

佢o係太古落車..我就繼續搭上去上環..

今日上到去..好耐無去過喇..

同佢地都係講下買波呀咁囉..

走之前..佢地話部電腦壞左..我咪幫佢地睇下囉

不過我乜都無..好難整架喎-.-

佢地叫我下次帶埋上去..不過我諗我都唔會..

因為一陣整整下又唔夠野咁就大獲喇><

4點幾..走人..搭返地鐵走..

去左炮台山..因為要交電話費..點知去到..佢地話電腦有問題..唔得住喎-.-

咁惟有走囉..返鋪頭..6點半收鋪..

同老豆食完飯就返屋企喇..

返到去..打機..11點睇波..睇完一場..

又走左去睇左2集王子變青蛙..因為點先再開波..

西班牙對法國呀!!!!

我咁like西班牙..點會唔睇呀..

本身以為法國一定唔夠打啦..

點知我真係睇少左呢隊98年o既冠軍><

個賽果超級失望..真係失望x無限咁多次呀!!!!!!!

好失望呀!!!!!!!!!!!!!!!!><><><><><!!!!!!!!!!!!

西班牙輸左..3:1><><><><><><><><

今日訓到點幾..起身..

搞掂就落鋪頭喇..

落到去..我feel到自己好似有d(味)..

哇><><!!!唔知點解..件衫有一陣怪味..好難頂><><

點算呀..最慘o既係..其他人都feel到><

諗左陣..無辦法呀><

坐左陣..好肚餓.整左個麵食..

之後就睇報紙喇..睇完..

同舅父仔夾左一人50蚊買場波..

意大利對澳洲..我地買澳洲..有6.5倍..

去到馬會投注站..買o既時候..

果個人問左一個我覺得好感動o既問題..

佢問..你夠18歲未呀..我話..緊係夠啦..佢問我拎身份証睇..

我超開心..唔覺得好笑..因為人人都話我個樣老..

而家有人覺得我唔夠18歲喎..幾開心呀!!!

買完..返去..hea到6點半收鋪..

放狗o既時候老豆話我今晚要食自己..俾左40蚊我食飯

不過我無食..返左屋企食..袋左果40蚊^^

返到去..食完飯..11點又睇波喇^^

我覺得澳洲打得好好架..不過o係93分鐘..仲有3秒完場o既時候..

輸左個 12碼><><咁就輸左1:0喇..

我敢話..如果93分鐘完場..打30分鐘加時o既時候..澳洲一定win..

我真係覺得澳洲好唔底><><

睇完場波..訓喇><><

今朝6點起身..返7點ma..

煮埋野食..6點半行人

約埋敖敖..7點返到去..

都ok多隻船喎..第一次要用2部車去..

pet左好耐..8點半..行喇..

去緊o既時候..我見證到d司機做左d好狗o既野..

去到..船就好多呀..不過就好快搞掂..

因為果阿偉又勁打電話..我feel到今日d同事態度有d唔同..

都有d女睇下o既..

10點10到就返到去喇..

等左陣..11點有人出糧俾我地..240蚊..收左..走人..

返鋪頭食飯..食完..睇報紙..之後訓左陣..3點老豆就收鋪喇..

返左屋企整野..

要整大門同一部風扇..老豆一齊返去..

整完..不過未整好..-.-

打機..老豆地6點幾就落返去喇..

打到7點幾..食飯..食完..繼續打..11點睇波..3點又睇..

不過3點果場睇左一半..訓左..因為我都ok累-.-

(今日三舅父打俾我..問我係咪唔會do架喇..咁..我問佢..我尋日係咪好激呀..佢話..係呀..又話因為我哩件事..佢同佢老婆吵過喎..佢o既態度..我都ok唔like..我覺得我都係一個幾小氣o既人..而且..我都休果隻..反轉豬肚就係屎o既人..所以..我會做一d野..因為..三舅父都得罪埋我..我諗佢好似唔記得左一d野..)

星期六..要返工o既一日..

一早11點幾起身..一路o係屋企打機..

打到2點幾..三舅父打黎話今日唔駛返..

因為返工果度有d問題出現喎..下-.-

哦..打俾敖敖話佢知..

之後繼續打機..點知打到3點半到..

舅父又打黎話要返喎-.-

好無奈..返4點半..又打返俾敖敖喇..

4點半準時返到去..又係做果d野囉..

但係唔知點解..我今日勁俾人串..

又俾人屌><又或者係我問題啦..不過..

又話我聽日唔駛返呀咁..

去到西貢..又俾人耍左2獲喎..

搞到我同敖敖俾d船家話..

8點半到返到去..聽日先有錢收..

走人..打俾三舅父..講定先..費是一陣間人地投訴又入我地數喇..

講講下..情緒又好波動..好激動..勁鬧..

舅父話佢要問問件事先喎..

之後同左敖敖去食野..食完就返屋企喇..

可能真係晚晚咁夜訓..個人噪d啦..

不過我心諗..我真係唔係好在意果幾百蚊喎..

話就話容易賺o姐..不過之前講到明唔駛俾人屌加ma..

而家又俾人屌又俾人串..我明白出黎做野俾人屌係正常呀..不過我真係一d都無
做錯喎..點解又要俾人串o姐..

愈諗愈激氣..如果我o係鋪頭..會有咁o既事發生咩

把幾火..真係唔鬼做..至多o係鋪頭幫手問老豆拎返錢..

好激氣呀!!!!!!!!!!!!!

返到屋企..睇波..睇到2點幾就訓喇

聽日返7點..舅父叫我返埋聽日先再諗do唔do喎..

ok咁咪睇下點囉..

今日星期四喇..我真係日日都睇波睇到5點幾..都可以生存到^^

2點幾..落下鋪頭先..

去左買一盒ok貴o既飯做lunch..

乳豬雞飯丫唔該..咁就38蚊喇><

買返鋪頭食..食完又係睇報紙..

睇下電視咁..6點半收鋪..

今晚都係要等埋家姐返黎一齊去食..

等之前去左睇洗衣機..

睇完..順便睇埋冷氣機..因為我房果陪都就到時候喇..

佢已經服務左我屋企..我諗到有10個年頭喇..

係時候要退休喇..

睇左陪..1600..聽日送黎..好快@@!!!

之後佢地去左睇衫..邊睇邊等..

我同老豆就傾計..佢同我講左好多男人要負o既責任之類果d野..

8點幾..去食野喇..食完

返屋企..又係睇波喇..

(今日我聽聽下歌..又發現左一首歌好正..好耐架喇..之前都無乜點聽不過今日聽聽下..覺得超正..就係一首叫做<<如無意外>>o既歌喇!!!!)

仲有呀..我覺得新果首<<記得>>都ok..

今個星期o既星期一同星期二都無乜特別..

日日都係咁..12點幾起身..打機..食野..睇電視..睇波..5點幾訓..

2日都無落過街..今日星期三..係時候落下街喇

2點幾落到去..好餓..又係m記..

食完..睇下報紙呀咁..

今日o係鋪頭坐o既時候..

有人黎左搵人穿耳喎..係一個阿媽帶住一個我諗15,6歲o既女仔..

佢地仲係突登搵穿果隻..唔係用槍打果隻..

咁就岩喇..我老豆不嬲都係用穿o既..

佢地就選耳環呀..我就下..咪又留意下人地囉..

可能好耐無落過街..好耐無睇過女..所以......呆左..

隔左差唔多半個鍾..搞掂喇..

原來個媽媽都係我地o既街坊黎架..

年齡又好似同我老豆差唔得遠..所以穿完耳之後佢地就o係度話當年喇-.-

話左好耐..我咪o係度聽囉..知左好多條街以前o既(大事)

6點半收鋪..同老豆地食野..

我今晚食芝士焗海鮮飯..超級(溜)我都食唔哂><

食左好耐..都搞掂o既..

食完之後..佢地去睇洗衣機..我就返鋪頭拎返d野..

一樣叫牛排o既野..因為今晚睇波o既時候我要做一個第一次..

行返去..諗住買下games..不過..我就見到好多海關o係間野o既門口..唔駛講都
知乜事

返鋪頭拎完..順便行埋去惠康..入貨..

之後行返屋企..打機..11點..又開始睇波喇..

我發覺..今年世盃有咁多場波打左..我都估左好多場o既賽果..

發現..10場我諗中左6-7場啦..但係我就次次都無買架喎><

睇到3點..差唔多喇..

入廚房..我第一次下廚呀..雖然只係整牛排俾自己食..不過都叫做整一個食物
丫!!!!^^

我覺得ok架..唔太熟..又食唔死人..送啤酒..正哂

食完..睇埋場波..沖埋個涼..訓喇..

今日係星期日..亦都係父親節..

我諗唔到送乜俾老豆呀..

所以都係實際d..請佢食餐飯算喇..

就係因為父親節..加埋世盃..所以遊船河o既人都少哂..

因此..我唔駛返工..

11點幾先起身..諗住落去搵老豆請佢飲茶先..

不過落到鋪頭..空無一人-.-

打電話後知道..佢地過左對面海買玉器-.-

咁點好呢..o係諗唔到之下..我就同個妹2個人叫左野食..

之後就o係鋪頭hea..hea左一個父親節o既中午..

老豆地6點幾先返黎..家姐今晚同我地一齊食..

但係等佢返到黎之前..

我地去左行街..我,妹同老豆..

行到差唔多8點..去食野喇..

今晚我地3個請..都唔平架^^

食完野..返屋企喇..睇波咁..

我諗..呢一個月我d生活時間都會顛倒哂..

世盃月呀!!!!!!

今日12點幾起身..打機..

打到3點幾..舅父搵我去游水..正..好耐無游喇!!!

佢叫我揸車喎..哦..咁我就要落返鋪頭拎車喇..

車去搵佢..之後就去石澳喇..

我不知不覺間已經可以一路揸車一路吹水喇!!!

同三舅父吹水..真係有好多粗口-.-

入到去..泊好車..佢話買d野食喎..

買左之後..去左海灘食..一邊睇女一邊食^^

食完就去游喇..咁耐無有..而家只可以來回浮台2次-.-

以前至少都3,4次啦..我記得最勁係o係泳池游20個塘..

而家我諗真係要練返先得喇..

游左半個鍾到..上返岸..繼續吹水,睇女..

6點到..去沖涼換衫喇..

之後舅父車走..我再車返去泊..

泊好車之後..返鋪頭去一個洗手間..

返屋企換衫呀..因為今晚有家庭聚會..食左父親節果餐先喎..

食9點半..9點我地就去到喇..等下又一d人黎..等下又一d..

9點半入去食喇..今次我個妹就帶左第2個女同學去喇..

唔係阿雞..所以..唔會再出現上次o既情況架喇..

今次哩個..真係同阿雞差好鬼遠..我個妹仲要同佢講話我覺得佢可愛啦><

唔係掛..我真係無講過..因為佢........唔多岩用哩個字..

因為無左阿雞..所以悶左好多..我都靜左好多..

不過原來我有個表妹都ok爛玩架-.-

今次我唔係食得好多野..又唔係飲得好多o姐..

11點幾就返屋企喇..返到去..等到12點睇波..

睇睇下我都好眼訓..諗住去訓..不過諗諗下..今晚場波咁正..唔訓得架喎..

結果都係睇埋場波..2點幾先訓..