今日都係10點幾起身..落鋪頭..

今日o既午餐係..抄飯..唔好睇少哩個野呀..都有功夫架!!!

食完lunch..之後..都係咁過..個妹3點到落到黎..

今日終於都做到要去銀行做果件事喇-.-

5點幾..老豆叫我去買野..今晚都要煮飯..哦..

去左百佳..買左一野雞排..同買左8隻雞翼..

我諗住整阿婆果種雞翼呀..

6點半收鋪..收鋪前..d舅母地黎左..

因為今晚要去一個地方..

7點到..開始喇..個雞排就係咁煎o姐..

不過如果要整阿婆果種雞翼..就要多d野做喇..

7點幾8點..搞掂..佢地食過之後..都話ok..

舅父仔直情話好好味..好有成功感呢!!!

之後洗埋d碗..去果度喇..就係我話7月果個節要搞野果度..

估唔到..我今晚會發生一個咁難做決定o既情況><><><

個半個娌裡面..個內心真係好痛苦下

係咩事我唔想講喇..

10點幾搞掂..走人..同d舅父地去食野..(因為頭先唔多夠-.-)

食完..有順風車車埋返屋企..

返到屋企..今日唔係好想睇碟..所以決定打下機..

打到點幾..訓喇..因為聽日要好早起身..8點呀!!!

今朝12點幾..老豆打黎嘈醒左我..

問我係咪未訓醒..我之前已經同佢講左..

我今日唔落去架喇..所以可能繼續訓..

訓到差唔多1點..起身..

打下機先..打打下..有d餓..煮左個公仔麵俾自己..

hehe..我記得..上一次煮公仔麵o既時候..

我連飯都唔識煮..而家唔係好叻..不過都叫做煮到2,3個送丫..

至少..飯都煮到出黎丫^^

突然有d成功感添..

我覺得..自己煮飯o既時候都ok有heart

對煮野食又有興趣..而且..我覺得..煮到一餐飯出黎o既成功感..比打爆一隻game仲要大得多..如果人地覺得開心..果種喜悅..真係比打機過一關更大!!!

所以..我覺得..我諗我搵到令我有heart..o既事..掛..

唔唔..真係搞到我有d想報讀[中華廚藝學院]添..

煮完野..食完..繼續打機..打左陣..

睇下碟先..睇下睇下..又睇左2隻..o姐係4集喇..

咁又4點幾喇..睇keroro先^^

睇完..繼續打機..係咁打係咁打..又10點幾喇..

今晚食飯o既時候..名婆煮左個我地由細到大都好鍾意食o既雞翼..

第2個人整唔到架..係好特別o既整法..

所以我決定..問佢點整..阿婆就係咁易講左俾我聽..

都明o既..等我聽日試試整先!!!

10點幾..打機打到有d悶..又開始睇碟..

睇睇下..又睇到最終回喇..咁o姐係..又一套咯..

我miss係大佬呢套野..當然不出我所料

真係好搞笑..加..有好多感動位..令人熱淚盈眶o既位置!!!

不過..套野係有2輯o既..同埋仲有劇場版..

所以..未睇完架^^

睇完最終回..都成3點喇..要訓架喇!!

今日..唔知點解起身o既時候好累><><

不過我都係10點幾落到鋪頭o既..

落到去..首先係同阿婆去左一個地方先..

係7月14果個節..要做o既一d習俗..

搞左差唔多1個鍾..12點幾返鋪頭..食飯..

食完飯..老豆叫我去銀行做d野..

秘密..不過我就由食完飯到收鋪都搵唔到好好o既timing去-.-咁惟有下次先搞啦

夜晚果餐..我煮..

我今次要試下上次學過o既甜酸雞..

另外有排骨焗飯同生菜..

唔唔..我5點幾就開始搞喇..教我整果個人當然要在場啦..

首先..就緊係要去買材料先啦..

買左20蚊排骨..雞我地個雪櫃有半隻o係度..

而菜..就叫左個妹去買一斤生菜..

買完..緊係就要開始(葉)野喇..要(葉)d排骨同埋隻雞..

搞好之後..開始整個甜酸雞o既甜酸汁..(最重要果樣呀!!!)

整整下..又6點半喇..收鋪..之後整埋個汁..

整飯..洗米..(教)米水..放完狗返黎..唔唔差唔多喇..

放d排骨落去d飯度..另一方面..開始要煎下d雞肉喇..

不過好大o既錯誤出現左..就係..我開左最大o既火黎煎..

個結果就係..好快..(窿)左..跟住正常o既做法就緊係收細火..加油..水架啦..

不過好不幸地..d油用哂..咁我惟有唔煎咁耐..驚再窿d就慘喇..

放埋d汁就去..好快咁搞掂..上碟..搞埋d菜..食得!!!

唉..果然係..衰左o既..d雞肉..真係唔夠熟><><><><

老豆話叮下佢喎..哦..係咀易叮左陣..好d啦..不過..已經唔同喇><><

好彩d排骨無事o姐-.-

我下次一定唔會一開始就用咁大火架..如果哩步無錯..我覺得我今晚個送係會成功架囉!!!

食完飯..要等埋家姐返黎..因為要一齊去(裝香)

佢8點幾返到..等左半-.-..算啦..去喇..

差唔多半個鍾..搞掂..個妹就自己返屋企..家姐就同佢條仔去食野..我就要跟老豆返鋪頭..

因為要幫佢整廁所隻門..整下整下..又差唔多一個鍾喇..

10點到..返屋企..之後又係睇電視..

不過今日唔係幾想睇碟..又見咁耐無打過機..搵下有乜game玩先..

之後就打機..打到點幾..都係忍唔到..又睇左2集..

3點..訓喇^^ 

今日亦都係10點半落到鋪頭o既..

唔唔..d時間開始穩定喇^^

落到去..又係咁過左一日..

今日唔係由我煮飯..而係出去食..

不過今日食飯之前..又同老豆因為一d事嘈..

唉..去到食飯o既時候都繼續講..

講講下..都叫做有個平靜啦..

食完飯..老豆同左我行返屋企佢就走喇..

我返到屋企..當然都係做果樣野啦..

睇碟囉..又開始繼續睇我miss係大佬喇..

唔..套野睇落..都真係ok好好笑^^

我今日就睇到2點幾訓喇..有d累..

唔知點解..今日心情唔係幾好..

勁o係度諗住套排球..

又勁諗返之前睇過果幾套野..

個腦海不停都係諗呢d野..

唔知..咁係咪o姐係叫做..上左腦呢?_?-.-

今日都係11點幾落到鋪頭..

全日都無乜特別呀..

今晚果餐..我煮..我焗左雞飯..

不過因為有少少o既失誤..

結果..搞到好咸><><真係超咸-.-

食完..就返屋企喇..

返到去當然都係做果樣野啦..

睇碟..繼續睇攻擊No.1

睇睇睇睇睇..睇到12點幾..睇完喇..

又搞掂一套..我就覺得如果2套上戶彩o既..我會覺得Attention.please好睇少少..

不過排球都一樣咁正..因為都睇到我熱淚盈眶......

套野去到最後..好西利架..有鬼影變幻球架!!!

不過可能我睇vcd..個結局睇左少少就cut左><><

咁惟有等無線啦^^

咁當我睇完排球之後..

休息左一陣都唔想開第2套住..

差唔多1點..都係開黎睇啦..今次開o既係..

我miss係大佬..亞視而家星期六做緊果套o既第一輯..

我睇左2集..唔唔..都ok好笑喎..

我諗..哩套野都係果d會令人熱淚盈眶果隻黎架!!!

今日呢..我就都係11點幾落到去啦..

無煮飯喎..叫左野食..

食完..都係做果d野地過左一個下午..

但係唔知點解..今日有d累囉

想訓又唔訓得..

4點鍾收鋪..訓左陣..不過因為d雀仔實在太嘈..訓得唔係幾好><><

訓左一個鍾到..老豆無啦啦話去遊車河..係搭巴士..

老豆話搭電車去到北角再轉23號巴士..

順便交埋電話費喎..

轉左巴士之後..遊下遊下..遊到去西環..

落左車就開始行喇..又未黎過..

方向感就有o既..行行下..走左入街市..

之後又去左麥記食野..食左個餐加杯雪糕..

食完..又開始行..行左好耐好耐..

行行下..我見到一間影音鋪..

立刻走入去..因為我搵緊碟呀!!!

都ok大間架..行下行下..俾我見到......日劇!!!
(因為之前搵左好多間都搵唔到有日劇..)

望下望下..突然俾我見到..親愛o既攻擊No.1

仲要係dvd喎!!!!!!正..咁我就緊係立刻買啦..

78蚊咁大把..買完..當然係好開心啦..

同老豆繼續行下行下..行到去中環..

成7點喇..要搭車走喇..搭地鐵走..

返到去鋪頭..等埋家姐返黎食野..

唔知點解..我今日狀態唔係咁好..都唔知點解..無乜心情咁..

同佢地諗左陣..決定左叫pizza..

食左13x蚊..有1個pizza..1個小食..一盒粉..2碗湯..好抵架!!!

食完之後..返屋企..返到去..

都係果樣囉..睇碟..今日睇攻擊No.1..有dvd睇喇!!!

不過有一個好大o既問題..就係dvd果套d字幕..唔係句句有架..

雖然清就清好多..vcd果套d字幕就齊..

咁我應該點呢><><><><

最後決定..睇2次囉..不過就睇左齊字幕果套先..

睇睇下..又2點幾喇..訓咯..

仲有5集..又睇完喇..有d失落=.=

諗諗下..我都係覺得..睇無線..可能係最好架..因為.佢又清..又齊字幕..又有雙語..可以聽返日文..最後決定都係要星期六追返架-.-

今日10點幾落左鋪頭..

因為要落去學藝..學煮送^^

老師係鋪頭o既一個伙計..

落到去..11點..佢都諗住教我..不過可能因為時間o既關係..

佢有d唔係幾想煮飯..

不過我老豆就唔想叫野食..

結果就係..都係煮o既..

煮雞飯囉..焗雞飯..主要教o既就係(葉)野食..

要用d乜野調味料..份量之類果d

哦oooooo原來係咁o既..

食完飯..我都默默咁記低左點整^^

今日o既下午都係倣果d野囉..

6點半收鋪..今晚我煮呀..飯同個菜..送就都係果個人煮..

煮左個蝦仁抄蛋同甜酸雞..個甜酸雞好好味..個汁先係最大o既關鍵!!!

好好好味呀..因為佢係順德人黎架..

食完飯..走人喇..返屋企..

又係睇碟喇..好快地..又搞掂埋套Attention.please..

又係果個字啦..正呀..上戶彩!!!

上戶彩空姐look真係好好好正!!!

睇完左之後..開始第2套上戶彩o既劇喇..

就係攻擊No.1亦o姐係無線果套新排球女將喇..

都係因為佢我先會燃點起左睇劇o既習慣..

不過呢隻係借返黎架..而且仲要係vcd唔係dvd..

我係真係諗住買dvd架..不過搵極都搵唔到..

vcd真係同dvd好唔同..

不過咁好睇.唔緊要啦(但係..我都會搵到隻dvd買到為至!!先會心息)

睇下睇下..又3點幾喇..睇左3集..好好睇呀!!!

不過要訓喇........

今日要早落鋪頭呀..

因為尋晚俾老豆嘈完-.-

10點幾11點就落到去喇..

一落左去之後都無乜野做..

都係看下鋪果d囉..

睇下報紙呀咁..

今日家姐放假..佢點幾2點落到鋪頭..

之後3點幾個妹都到喇..佢地就去左買書..

我唔可以一齊去呀-.-行唔開><

家姐返左黎之後..5點幾到..老豆叫我去買d碎豬肉..今晚煮飯喎..

咁我咪拉埋家姐一齊去囉..去惠康買..

之後又行下惠康咁..行完惠康又去左百隹買野..

因為我今日睇左報紙..所以諗定買咩..度好哂邊d抵買..唔唔係咪好精明呢!!!

去到..首先就緊係買左沙利蛋糕先啦..22蚊加1蚊多一盒..o姐係23蚊2盒^^

之後就係出前一叮喇..25蚊10包..不過送一罐五香肉丁..

諗諗下都唔知買邊隻味好..突然諗到..hehe..

就咁啦..就係一種味買一包!!!!!

好搞笑呀!!好開心..因為見到d唔同顏色o既出前一丁

最後買埋雞排..10蚊4塊..(因為聽日過期^^)

今晚睇死都係我煮架喇..咁就緊係買d自己鍾意o既送架啦!!!

就係咁..好快又6點半喇..今日都過得幾平凡-.-

放狗..放完就開始煮飯喇..今日真係全部都係我黎!!!勁呀..

咁點煮左餐飯喇..送有..雞排(毯)左佢..菜..仲有肉餅..

係好簡單o既幾樣送..不過全部都係我親手做架!!!

第一次煮咁o既一餐飯..味道都好ok架!!!

好有成功感呀!!!

食完個飯..老豆去整牙..我就洗埋d碗..返屋企喇..

返到去..又係做果樣野囉..睇碟..睇好正o既一套..

Attention.please..上戶彩架呢!!!正正正!!

睇下睇下..又停唔到(原來佢o既劇果個張力仲要俾神鵰大好多!!)

其實我今日都幾累..不過睇下睇下..一集一集咁過..咁就4點幾喇..

由睇左3集變到靜返3集未睇..一共有11集..

4點幾..去訓喇^^

尋晚咁夜先訓..不過今朝7點幾又俾人嘈醒左-.-

痛苦呀><><訓返都已經訓兜唔好喇..

點幾起身..煮左野食..一路睇碟一路食..

係咁睇係咁睇..睇到2點幾..傑佬打黎問今日係咪要同我去灣仔..當然啦

佢叫我3點落到去西灣河地鐵站..

不過我睇緊一集未睇完..睇埋先..

睇埋都3點喇..大獲!!

唉..又睇左好幾集喇..仲有2集就睇完喇..

我3點4到落到去搵佢..佢等左好耐..不過我上次都係咁等佢啦..打和!!!

搭車去到灣仔..第一時間去188睇左可唔可能拎返上次買果幾隻碟先

噫..原來佢真係會扑返俾我地架喎..

咁好o既^^不過都係要等墀個鍾..

o係哩半個鍾裡面..我地去左灣仔ive..

因為我有d必問..關係到將來o既問題要問一問果度d人!!!

太好喇..有do係我個心裡好幾日o既問題.

一次過問哂..仲要得到d好好o既答案..

立刻知道哂要點做!!!

之後見仲有d時間..所以就坐低填下野先..

差唔多半個鍾..去拎喇..

點知去到..><><><><..又關左..點解呀!!!!好痛苦..

我地今次又決定行下睇定d先..

點知..行左幾個字..佢好神奇地..開返喎!!!正!!!仲要係有得拎喇..唔駛又等半個鍾喇!!!

我地拎完碟之後..就走人喇..

搭巴士..不過唔同果架..各自走左之後..

我就決定返鋪頭..搭到返去..5點幾喇..

坐一陣..睇下報紙咁..又6點半..收鋪喇..

今晚就無煮..出去食..不過成7點半先出去..

食完..返鋪頭..有湯飲..飲完湯又食西瓜喎..

一路食西瓜一路老豆同我講..話我俾鋪頭o既時間唔夠多呀之類果d..

講左好耐..我成9點先有得走-.-

返屋企..返到去又繼續睇碟喇..呀!!!!!!!

點算呀..睇完喇..套神鵰就咁俾我用一個星期都唔夠就搞掂左喇..

不過好彩..我仲有上戶彩o既一套11集o既日劇睇..

睇完神鵰..休息左一陣..

繼續睇我o既日劇喇..睇下睇下..又睇左4集..

咁又3點喇..訓喇..唉..聽日都係早d落鋪頭好d..-.-

(終於都睇完套神鵰喇..如果要我好快咁俾評語..我首先會用2個字---好睇..如果要長d..就..套野都幾跟原著o既..d角色靚仔又靚女..真2係ok好睇架..大家可以o係無線追下..但係我就覺得..因為我睇係用國語..所以我知道有d位..如果用廣東話..會搞笑過國語好多!!!)

今朝我好準時咁o係9點半之前落到鋪頭..因為alice今日走喇..

老豆叫我同妻姐早d落去幫手喎..幫手開鋪..

落到去..d人都返齊喇..

9點半..開鋪..搞掂之後..家姐叫我去買早餐-.-

食老麥..佢食左個魚咩包餐..我就食左個超值早晨全餐..

食完..都係做果d野囉..今朝又唔可以話好好生意..

但又唔係無生意喎..

老豆大約12點就返到黎喇..

有人話佢2個星期後返..同個仔搞埋21歲生日先喎..

老豆返到黎..又回復平常喇..

12點幾叫左野食..食完..睇報紙..

點幾..老豆話要上上環..不過今日因為係星期三..無車..

所以就要我名家姐搭車上去喇..

家姐話唔搭地鐵..要搭巴士喎..ok

咁我地就去左搭720..坐左大約半個鍾至9個字到..

到喇..不過因為未夠鍾..2點半先到..

所以就周圍行左一陣..家姐又順便去埋銀行換返張爛左o既100蚊紙..

差唔多夠鍾..上去喇..搞左半個鍾..ok..走人

家姐又話搭返巴士走..

又係720囉..由離開果度開始..我就同老豆計數..發現..

賺少左好多..因為今日個價趺左唔少..

返到落鋪頭..3點幾4點..

又係做果d野..4點半..走左去睇kororo..好搞笑^^

6點半又收鋪喇..

家姐今晚唔同我地食..咁我就同老豆2個食喇..

我地煮飯喎!!!仲要我做o既多過老豆..o姐係煮餐飯有超過一半係我做架!!!

食完飯..走人喇..返屋企..

返到去.又係做果d野啦!!睇碟呀!!!

係咁睇係咁睇..睇到11點幾o既時候..shirley打俾我..

問我星期日飲野o既時候做乜咁靜..

聽佢講下講下..好似覺得我唔出聲係因為佢咁-.-

我想講..慳d啦..我唔出聲係因為個地點係我返工o既地方..人物係試過(嘈)o既人物..

同佢講左陣..繼續睇碟..一路睇一路睇..勁諗睇埋哩集訓喇..

睇埋哩隻碟訓喇..不過想就咁想..但係隻就做唔同o既野..勁幫手換碟-.-

結果又係睇到4點幾o既先去訓-.-

不過套野都真係ok好睇..><><我仲有3隻碟9集就睇完喇..點算呀><><