《Ti amo(上)》

有個後生仔,叫小翼,頭腦蠢蠢地,外貌就比起其他型仔唔差….但係,佢未拍過拖,佢就一直好恨拍拖….終於有一次機會,佢識左個女仔小琪,佢地一開始認識既時候,小琪都對佢有偏見,全因佢天真既個性,而小翼就一直都暗戀個個女仔…

有一日,小翼同左個朋友去玩,咁岩見到小琪,但係睇真一d,小琪同一個男仔一齊?呢個時候,小翼心入面有種被人拋棄既感覺,

小翼:點解…佢會同個男仔一齊ga~

朋友:小翼,小翼~你做咩事呀?係度口擘擘咁既?

小翼:佢…佢同個男仔一齊….

朋友:邊個呀?咦?係咪前面個個女仔呀,你暗戀對象呀?

小翼:係呀,我仲未同佢表白ga….

朋友:我諗你冇機會ga啦,人地可能有男朋友…

小翼:…

小翼暗戀既小琪竟然同左個男仔一齊?唔通小翼真係冇機會….

到左第2日,小翼去到佢地認識既地方等小琪…過左幾個鐘,小琪出現啦,但係小翼就訓著左…

小琪:咦?個個傻仔喎?佢做咩呢?

小琪就行埋去睇睇….

小琪:哇!!著咁少衫,小心凍親呀…我借件衫比你先啦!咁大個人都咁既…

跟住,小琪就走左啦…小翼係呢個時候先識醒,醒左先發現有件衫?

小翼:點解有件衫既?唔係bo!好熟口面咁…呀!係小琪ga!咦?唔通佢黎過?話唔定ga喎,可能上次個個男仔係佢既朋友姐…

小翼一路係度幻想自己有機會追小琪….

跟住既3日,小翼都冇再見過小琪,於是,佢就去問小琪既同學…

小翼:同學呀,知唔知小琪佢去左邊呀?

同學:小琪呀,佢好似去左意大利喎!

小翼:下!?係呀…唔該晒…

同學:唔洗…

小翼:去左意大利?咁我點呀…..

小翼知道小琪去左意大利後,情緒一直都好失落….

過左一個禮拜,小琪番左黎啦!小翼就當然跑去搵佢啦!但係當佢搵到小琪時,小琪就好似完全唔識佢咁….

小翼:hi,小琪!去左意大利番黎啦喎!

小琪:hi,你係?

小翼:小琪!你唔認得我啦?我係小翼呀!

小琪:…sor,真係唔記得….

小翼:你真係唔記得我係邊個…

小琪:我真係唔記得….

小琪突如其來既一句唔記得,令到小翼感到自己又再次被人拋棄….