今朝如常一樣搭車番學，

總係覺得好冇新意咁-_-

番到去學校，又係係度hea同吹水-_-

等到打鐘至走開個位。

唉，日日都企到最前，又對住個太陽，好鬼頂唔順啊/_\

上到班房，都係好似平時咁收功課、點功課、睇書咁樣，

基本上同平時毫無分別-_-

再係咁既真係悶出病啊/_\

頭兩堂係視藝，但竟然無做到資料搜集!而且係全班得翠薇姐一個做左-_-

可以話係佩服佢啊，唔似我地班咁係度hea-_-

全班都係度受范Sir點，一句到尾，都係想我地交齊功課做個盡責人姐!

上堂個陣，係度畫畫，畫同我夢想有關既。

但係，我既夢想係做作家bor!叫我點畫啊-_-

好在我聰明絕頂，死都嘔左幅畫出黎-_-

跟住，就大家互評，好彩我幅畫有人明白姐!

最好笑係吳偉大個張，竟然畫槍-_-

但我係點都估唔到佢既實際夢想!

英文堂，係度做聆聽，

原來做聆聽都唔係難既^.^

係我以前冇留心去聽姐!

落堂啦，走去同王Sir理論下點解要午膳自修啊\./

途中見到Miss張，佢話要拎筆記同默畫簿上班房。

搵到王Sir，佢竟然同我講遲交都要留，真係比佢吹脹囉!!!

中文堂，又好多人企起身等鬧。

呢d場面真係由中一睇到依家啊-_-

今次，就係我做班長以黎第一次帶人到512!

以前就見肥裕帶得多，依家由我帶，感覺冇咁難頂!

因為以前要上多一層嘛^.^

一番番班房，即刻比Miss張嗌住我個名!心血少都嚇死啊-_-

原來係改錯字姐^.^

上Miss張堂，真係幾好ga!學到野之餘，又充滿歡笑!

跟住，就係連堂化學!悶到嘔啊\./

突然之間黎個小測，好彩我事前有溫姐^.^

但面對住題目，應該錯左一、兩題到啦!

不過唔洗驚既，化學姐嘛!

之後，就去實驗窒度做實驗。

成班友仔都唔去拎野，係我拎晒\./

潘世被個條唔知咩料既人串，呵呵^.^

跟住，德誠又打爆支量筒，又被人鬧^.^

成個就係咁hea過左-_-

lunch冇得出去食，係canteen食面加大檸-_-

本來諗住1點3上去，但蘇維話等埋小Q默完書先上去。

Miss張落到黎，就話我啦-_-

我一時唔記得將默書簿擺去簿櫃，又被人鬧一餐啦/_\

成個lunch都係度陪佢地默書。

我幾乎係將第二段成段背晒比磁聽-_-

上到去既時候，竟然冇人喎!

咁算囉，聽日再留過啦^.^

番到班房，即刻將默書簿飛奔拎落去Miss簿櫃!

唉，數學堂又黎啦!

兩堂真係超級悶啊/_\

佢地成堂都係度數碼暴龍同Rider Kick-_-

好低B啊^.^

放學後，我又係要攞簿比王Sir簽，點解佢次次都唔簽ga!

最後，又係交埋簿同鎖匙又過完一日啦!

(唉，最近的感冒都咳又重左啊，好唔舒服/_\)