最近我返學都唔係搭半就出門口,
係搭7個陣,所以返到學校都打左鐘,
學生們都上晒課室,
以前我一定唔會咁做,
不過唔知點解升左中四之後就咁樣?!

上到2樓,有人叫左我一聲,
我望去後面,原來係妍妍,
佢拎完書,順便幫我拎埋,
所以我衝左過去幫佢手,
真是難為佢,因為我地個locker已經"榮降"到2樓,
但係變左"底下屠",拎書唔方便呀!!

第一個小息個陣,winnie搵我,
俾返尋日送俾我but我唔記得返的簿,
(不過仲爭一本),
另俾我強逼佢送一枝糖同一枝粗的熒光棒。

係週會個陣,學校請左一個講土星的男人,
講左大概5分鐘之後,我已經頂唔順去搵周公,
但係又驚老師發現,所以訓下醒下,
真難受,之後係週會完左之前的五分鐘,
佢終於講完啦,全場都俾佢熱烈的掌聲,
不過原因係咩,心照呀- -"

到左lunch,我係winnie手上,
搶左佢一半魚仔餅,
俾盧SIR見到,話唔健康,
(其實我唔知佢係對住winnie講定對住我講)
算啦,一次兩次,都唔係當飯吃。

到左放學,我衝左去問煎腸佢地借PHY書,
不過佢地都要做PHY,
係我無人可問的情況之下,
我搵左MS LAM,佢借左佢本書俾我呀,
HAPPY......不過長問答的係無答案,
所以大家唔使擔心我抄功課,
THZ FOR YOU,MS LAM!!

不過今日俾莊SIR加MR LEE加蔡SIR
毫不留情地俾功課,
真係對佢地失望呀,
莊SIR仲咩咩,叫我地做三篇寫作,
想寫到人腦閉塞麼...?
邊個話最毒婦人心呀?
我話最毒男人心就真呀.....><""