今日已經諗好去中央睇科展,
但係點知我班女尋日去左,
搞到我要自己一個去,
咁又唔想一個人去,
我就約左羅白,
咁羅白就約左曾浩同其他人,
之後羅白話曾浩佢地係apm,
叫我去apm到等佢喎,
咁我去到apm,
上五樓見到曾浩,小肥,寶君,珊珊,何焜,伍永健,
之後我問佢地邊個去科展,
結果得知得曾浩,何焜,伍永健去,
之後見到羅白同珊姐上到黎五樓,
再問,珊姐唔去科展的,
之後我同羅白,伍永健,珊姐去左佳餚坊到食野,
但我無食野,因為無帶錢- -''呵呵,
之後食完野,打完機的曾浩同何焜就黎到我地匯合,
我地返到去地鐵站個巴士站到搭601,
咁去到巴士站,成班男仔話要去廁所,
個個入晒去之後就有車啦,
激鬼死...........



去到中央圖書館,落車就發現司徒都係到,
咁我地又一齊睇啦,
今次科展d作品就麻麻地,
其實都唔關d學校事,
係今次個主題太空泛,
但係今日收穫唔錯的係我睇到靚仔呀!!!!
不過曾浩佢地行左一粒鐘倒就叫人走,
話去太古溜冰喎....- -"
不過我諗住跟住佢地去,
因為唔想咁快就返屋企住。



咁我地搭地鐵去太古,
去到太古佢地又唔係溜冰先,
去左個個水族地下廣地的真開心樂園到,
玩投籃機喎,
咁之後我同佢地玩埋投棒球同氣墊之後,
被伍永健話我大力,又被佢地逼到我成個癲婆咁,
我地玩氣墊個陣,有成班細佬係旁邊睇,
有個小妹妹可能唔妥伍永健,
成日都拎塊氣墊入落伍永健個籃到,
笑死人............
之後我地去到太古廣場,
諗住溜冰點知唔開住,所以我地就走人了,
返到屋企散左...