四川地震已經發生左一個星期啦!

我從尋日知道,由今日下午2點28分開始,

至到21日成為悼念日,為四川地震死去的人悼念,

其實之前的每一日我見到報紙個d圖片個陣,

我見到個d細佬壓係d石屎下面,

無左呼吸,我好心痛,我見到佢地d手伸左出黎,

成塊面都係泥沙,我真係心痛自己無辦法幫到佢地,

我無辦法可以俾返條命佢地,

有人話,今次地震唔係完全係天災,

當中係有人禍,今次地震會死咁多人,

唔係完全關天災事,當中係有人禍,

係有人偷工減料,做d「豆腐渣」樓,

大家知唔知道,大部分死者當中,

好多都係學生,佢地比起d大人佢地係無辜嫁!

佢地無做錯過,佢地無份興建d樓,

佢地無份收過興建樓宇d錢,

但偏偏要死的係佢地,公平嗎?!

我唔單只為失去子女的家長而悲哀,

我亦為因為大人的過錯而失去性命的小孩而悲哀!

我地學校係悼念的時間默哀了三分鐘,

當中我聽到真是沒有人談話,

個個同學都好認真咁為四川災民同死者祈禱同默哀。

#"#"#"#"#"#"#"#"#"#"#"#"#"#"#"#"#"#"#"#"#"#"#"#"#"#"

今日劉穎思老師同陳sir掉左堂,

搞到今日有兩堂聖經,

本來以為會好悶,不過今日佢俾我地睇左一條片,

睇完之後又同我地傾左好耐,

所以今堂過得好輕鬆。