2008年3月23日

今日好早就起左身,

加上尋日大伯同大伯娘黎左,

佢地慣左早起身,

所以我係俾佢地(我嫲,我爸,我大伯,我大伯娘,我媽)嘈醒的,

亦因為我個camp係8點30集合,

之後去到就係見到葉姑娘,

跟住上車,之後到左祟德家福軒,

到左之後,我地上房擺行李,

今次個camp出乎意料,

真係超多男仔,仲要係中二男生佔多,

而今次個camp多左兩個新導師,

一個係江姑娘同黃阿sir,

我地係今日玩左好多好多遊戲,

我仲認識左一個中四學長呀!!

之後我唔知又幾時開始就俾班中二生叫我做"纖形22",

擺明暗串我肥,不過我"大人不記小人過",

當佢地開玩笑,不過之後佢地成日都係到講,

我就出拳,拳拳有力,

yo!得罪"非暴力"的我就係咁啦!

不過我都係同佢地玩下咁啫,

佢地都顯得好enjoy咁!

之後我新認識的中四學長(其實佢叫曾承軒!如果你睇到唔好鬧我呀!)

因為無位訓加上中二男生們太過嘈,

所以佢只好屈居在我同珊珊加若茹(新學妹)的房到!

夜晚個陣,我地玩個camp fire,

跳左d好無奈但好好笑的舞,

仲要俾個阿sir潑水,

大家都不甘示弱,用成桶水潑返阿sir,可惜捉住阿sir的中二男生慘做擋箭牌,

俾我地潑到成身水,阿sir淨係濕左少少!

之後我地就沖涼訓覺,

但係我地又邊會咁早訓呀!

班中二男生就話係上層玩捉迷藏,

但係我個陣同曾承軒,若茹玩緊枕頭大戰,

後尾再加多個學弟,真係超好玩!

但係最後佢地都話玩捉迷藏,我地玩左一陣就唔玩啦,

因為好悶.....!!咁就一日了!

本來係我間房張床,但之後換左大房!!

*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*

2008年3月24日

今日7點幾就起身,落去食早餐,

而今日的早餐係包and腸仔火腿,

再加coffee,阿華田等等,

食完之後就玩,我地一開始玩就玩戶外game,

有"圓圈跟我走","二龍爭珠","火燒後欄",

仲有一個係搶龍尾但係唔記得左叫咩名,

係呢個game可以睇得出班男仔真係好鬼死粗魯,

為左搶我條"尾",整到我超痛,

跟住玩"火燒後欄",

係要跑的,跑得慢同埋反應遲鈍的人可以講得上一定輸,

而我feel到班中二男生係睇死我一定俾人捉到咁,

但係我連續跑都無人捉得,哈哈,

反而俾佢地讚番我,好無奈,

但好開心,俾人讚嘛!

之後個d係聽野,寫野,

但係我映左幾多相,超求其咁映,

YO!

係左手邊的係曾承軒,右手邊係中二男生,唔知佢咩名!

我個人幾中意呢張,左手邊係我啦!

同房的合照...!

右手邊係潑我地水的sir,左手邊係中二男生,我個人認為佢都幾靚仔!

學弟蝦學姐矮呀!!><!

經常串我三兄弟!!!!!~

最後成車人的合照,可惜葉姑娘唔係裡面(因為佢要揸機)