今日係2007年的聖誕派對呀!!

今日超早起身,

六點半就起身洗面,

哈哈!因為合唱團呀!

合唱團最近都唔夠時間俾我地練歌同排位,

搞到我地要咁早返學排練呀!>3<"

本來七點半就要集合,

不過老師都好遲黎,

搞搞下我地就練唱到八點都未走得,

(仲未落去點名呀!!><"")

一唱完成班合唱團d人都落去排隊點名,

但係Miss話陸Sir宣佈完我地合唱團要上禮堂之後,

我地就可以上去,

但我地好似一隻字都聽唔到陸Sir講合唱團呀!!

中一至中三要上班房時我地先急急咁上去~

唉...真係一塌糊塗,

我地先唱左中四至中七個班,

效果超乎想像,

唱得好差,

成班唔係唱錯歌詞,

就係入位唔夠齊,

當然,我都係,

唉.....真偽好瘀!!

唱完第一輪之後,

中一至中三生嗱嗱冧跑返班房,

開party~

YO!YO!我上到4樓,

見到閔閔佢地成班女仔係男廁門口狂笑,

話男廁有野睇,

仲話可以入去,

(哈哈!我可以話今次係我第一次入男廁!^^)

原來係陳家濤唔知輸左咩GAME,

俾人罰著裙呀!

不過佢死都唔肯,

困住自己係廁格,

Miss Lam就同班男同學用五毫子嘗試開門,

而有d男同學就係隔離d廁格搞佢,

場面超好笑^^

不過之後因為陳家濤唔肯著就無左下文,

我係班房不斷咁派晒我寫俾人的聖誕咭。

跟住玩完d game之後,

時間都差唔多啦!!

我地執完野之後,

就落去操場小息,

本來合唱團就要十點三就去到禮堂,

不過我見老師仲未到,

我又落返去打波,

不過打左十五分鐘之後,

(其實我覺得打左好少時間)

就要排隊wo!?

我驚到唔知點做,

因為合唱團要上去嘛,

我經一班同學的勸說,

我終於上左去啦,

不過見到成班合唱團的人都練緊歌,

我就咁行過去,

真係覺得唔好意思呀!!

不過開始唱第二輪,

個結果都係好差,

因為同一個原因,

唉...唱完之後,

中一至中三生就要留底聽講耶穌,

嘩---我真係頂唔順呀!!

兩隻眼皮好似鑲鉛咁,

成日都下沉><"

好眼睏呀!!

完左之後,

走了,,,,!!