一早又約左老芹食飯....其實都唔早, 飛的返安定...成12點鍾我先到....

食完飯跟住開舖啦.....今日好似特別多人...可能而家放緊假啦~~

之後老芹係度睇書....都好似無咩時間理佢咁....真係唔好意思....

之前3單既生意, 都都完成左到7788, 大部份錢都收左.....ha..ha.. ....而家做生意...決定唔比人拖數...如果唔係好似之前咁....收唔返..!!

今次1個月接左3單生....搵既令我可以幾個月唔洗做野都得 .....不過都係唔可以用咁態度....要省d洗....近排太大洗啦!!

但係其中一單係大陸客既比較麻煩!! 有小小搵我笨~!! .....要小心處理......

下午靚妹知我睇舖....佢來陪我..同佢傾左成3個鐘,,,ha..ha..... ...好似未試過同佢傾耐偈......不過佢成日扒係檯度...好鬼懶!!

對我來講..有一個好消息...公司終於可以安裝到  100M既寬頻線....真係想快D感受下個速度....不過又要比貴小小..., 要好好利用條線...搞多D野...唔可以浪費只用來 玩MSN同 ICQ.... ....

好似好忙...但都handle到既!!

努力....青鳥既未來就靠晒你啦!!!

NO MOOD就係NO MOOD...係你搞到我無MOOD.........

D 大陸人做咩做生意咁黑人憎.....我好恰d咩!!! , 一壓再壓...一拖再拖....一反口再反口.....

討厭!!

昨晚一訓...就訓到朝早10點.....都有訓到9個鐘, 勉強補返之前既不足.....係屋企磨到成4點幾... 有一個電話...好緊要...ha..ha.., 即刻飛的士過屯門...不過比人話我成日搭的士..好敗家..(我都無身家)何來敗家??

d客打來問呢樣, 問個樣....拖得就拖...因為唔多想做....明知係好趕...但無mood做....!!

傾到9點幾...先走....不過返到屋企都成11點......, 一過夜晚12點....我又開工了....幫個客畫緊幅圖....而家夜晚成4點...仲畫緊....我相信明天有好多野做!! 好唔想做....但為了錢...唯有努力!! ...

昨日因為通頂.....但唔係玩...係睇舖睇到今朝 7點幾....跟住返屋企8點幾....沖涼之後又訓1個幾鐘...跟住 11點就出門上大陸~,

講真...真係幾攰下....上到去仲要係上面食2個麵包頂當....真係慘....無啖好食....跟住同過客開會....之後又去睇site..., 係車度我都已經烏下烏下....眼訓到死!! 跟住又返佢公司再傾埋d細節...., 重諗住佢地會同我食餐飯添.~~ , 之後佢地怕我無車搭返深圳....搵人車左我去車站, .....頂...去到原來已經無車, 8:30已經無晒車....跟住有個大陸的士佬走來...200蚊返圳問我去唔去..., 我話要返香港180蚊啦!!, 要去深圳黃崗!!, 佢話可以...行到半路, 佢同我講, 我車到你去黃崗鎮, 叫我自己再轉的士, 我話....你唔係麻....行到半路先咁講....原來想要我比多d錢....之後我話比多20蚊佢...咁就去到....., 前幾日搭係咁, 今日搭又係咁....大陸d的士佬仲衰過香港既的士佬!!

返到香港....已經唔得...太肚餓...又攰.....食完野....訓 lu....不過都成 1點鐘~~