呢個星期真係......唉....唔知點講好....真係困身死!!

之前仲贊個靚妹幾好...幾有交帶....點知又係同出面既小嘍囉無分別...又係無責任心既人....又一樣野証明....我睇人真係無咩眼光...

下次請人都係"段估無辛苦"算啦!!

真係唔明,話兩句都可以發脾氣走左去都得既....搞到我要自己睇...搞亂晒我既planning!!

呢幾日真係又忙死!! .....店入面個腦system short short 地!! 好多data要入過....晒我時間...搞到我公司剛安裝左既10M寬頻都唔可以好好地享用!! shit!!

今日, 見左個學生...諗住請佢做part-time幫下手....又可以幫下個學生減底佢屋企經濟負擔...聽佢講唔想媽咪做野咁辛苦...真係生性!! 希望唔好又請錯人啦...

而家要不時調個同事入來幫手....佢幫極有限...都要快快趣搵返個full time先至得!!

真係要快d搵多d錢!! 我唔想做食物鏈入面最底層既生物.....比人食!! ...........No!!!

跟同事傾下公司既新方針, 新去向....都係時候要有d大改革...唔試就真係唔知work唔work~

有d project係手, 又有d hold住晒, 都唔知幾時先可以set down好晒....我諗過年前都搞唔晒....都唔知點...

又唔係搵好多錢...拖鬼住晒...真係麻煩...

無人可以掌握同知到未來會點, 我只可以用我所知既資料去決定點做.......我相信今年就知道自己成唔成功....如果唔成功...一係就天堂...一係就地獄!!!

今日天氣勁寒冷....我都凍到有d頭痛, 所以成日都唔想做野....

手頭都有小小生意野係手....不過金額太少....好似唔多想做....

唉.....心頭太大....少錢既越來越唔想做....!! 死火....又唔係有錢...又要簡 job做...有時d人叫我報價我都唔想報...心想銀碼咁少....報左佢都未必要...所以直頭唔接....唉....遲早死!!

夜晚去左 食港式燒物...今個星期..我有4日都食亳... 食到反眼... 今日又食燒生毫, 炭燒原隻毫...好大隻, 好新鮮...仲識郁..只係$5 隻...食左成6隻., 燒立魚$20條...大大隻燒圓貝$15隻, 燒羊安, 燒羊串,燒魷魚.好大鍋食唔晒既羊肉鍋 食到.....好漏....仲有食好多燒海鮮......埋單$280, 個老闆幾好人,...同我一樣好多野講...ha..ha..唔錯既地方....

夜晚終於睇埋套 10.5級大地震....美國佬片..災難片...無d新意....不過我到睇晒成套...

.......人生如夢.....

呢兩日好似好平淡，又好似好唔夠時間用，有時諗過如果係電腦我都會有幾多時間去做幾他野...

但無法子..."網上症" 中毒太深..唔上1-2日網都周身唔舒服，

比香港寬頻d人玩死!! 之前又話帶唔夠野安唔到, 跟住第日打來又話我度要下個月先有線到....跟住今日又打比我話明天又可以安!! Poor 佢阿 more!! 我之前係屋企On 居居等左佢兩日, 而家又要玩我..!! 我話唔安啦!!係咁先!!

今日又係旺角通頂....

唔知點解......我覺得自己而家同下面既人無分別!!  等死!!

今年2006年啦, 時間好似過得好快咁...呢兩日 1月1-2日 都係屋企過, 好平淡...算係好好既Rest day,

1號晚成家人出左街食飯...好味!!不過等餸等得好鬼耐!!, 炭燒生亳,好味!! $5 一大隻...抵食!! 晚上知道有屋企人有癌病, 當然唔開心,,,我想要多d時間陪下屋企人, 比d支持佢...! >

2號, 訓到下午, 之後去左飲茶, 飲完荼回家安我期待既100M極速寬頻....!!我頂....個安裝師傅帶既工具唔夠長!!安唔到!! 要第日再安過....都唔知係唔係路....咁都唔帶齊D工具 ,

今晚入左流浮生食海鮮!! Yummy Yummy!! 一行6個人食海鮮...魚蝦蟹一定唔少得! 食既魚好似叫咩野"方利"最難得我咁大個仔印像中好似未食過咁貴既魚, 聽聞係而家最貴既魚, 出面成$800一斤, 今次呢條都過千蚊, 真係大開眼界, 不過又真係幾好味...可能係貴野, 所以特別好味!! 其他都好好味!! 正!!正!! 多謝晒!!

好少可以咁早寫日記, 休息左兩日...明天又要再努力工作啦!! Make up my mind!!!