我諗...我自己真係痴咗線啊...@v@

之前水水知道我中意佢之後,

因為本人唔中意我,就用一d好唔好既手法令我憎佢...

但我今日竟然...又同佢表白...TT

不過...係用日文...@v@

我冇啦啦同水水講話:"sugi de su(中意你)"

水水就好奇怪咁話:"咩su gi de su?!"

攪到有一排幾驚佢知咩叫su gi de su啊(自己攞黎衰@v@)~

之後仲唔夠,仲用日文寫咗佢出黎"私林志澄好きで"

之後水水就話佢知解咩.

so我就問係解咩.

水水:"我講唔出黎啊...@v@"

我:"咁寫囉~"

水水:"寫唔出...@v@算啦,絕交啦(佢成日都係咁講,係我唔聽佢講果陣)"

我:"哦~咁即係你唔知啦~我同你講啦,係解林志澄係我好朋友啊~我知你以為係解我中意你嘛~"

水水;"...唔係啊,我以為係解我中意Joe啊..."

我:"@@""

聽到水水咁講,我都唔知開心好定唔開心好."

今日水水同我係2nd個小息玩得好開心啊.

個個都係到話我地打情罵俏...>//<

而水水好似聽到咗都冇咩反駁.好?!定唔好?!

同你地講啦,我今日有一分鐘既拍拖感覺...>//<

今日2nd小息果陣同水水玩到咁上下,

Joe扯咗瞽出去話咩一起去圖書館.

佢係捉住我個手腕扯我出去架!!>//<

雖然我唔係中意阿Joe,但係比男仔捉住我個手腕都仲係第一次啊!!

不過...如果係水水捉住我就好喇...>//<