今日...都仲係發生咗好多既野...
今日中午同小政吵架,吵咗好耐,都有成兩堂課...
原因就係因為Pat Pat...
都怪我既~學人做咩好心啊...
見小政係咁講Pat Pat,頂唔住,就寫咗d野比小政:
小政,我估唔到你係d咁既野.Pat Pat樣衰又點?!樣貌可以選擇既咩?!
小政又嬲又無奈,用咗成堂課先令我認清自己係到做咩,就同佢say咗sorry.
水水睇咗我地張paper,就笑話得:"乜你咁快lose咗比小政架...@v@"
算啦...我唔應該為咗果個咁既Pat Pat而同我既好兄弟吵既~
不過有一個事實點都改變唔到,咁就係:
我唔再係趙家既姑姐.
我同小政吵果陣,我一時太激氣,就話唔做趙家姑姐.
雖然依家同小政冇野,但佢都冇話要番我做,
所以...唉...算啦...
不過今日放學同咗Jenny,Jessica同埋Baby汶去咗梨木樹,
番黎果陣見到水水同埋一個高Form唔識既男仔係subway到落黎.
我見到水水第一個念頭就係:點解佢會行呢邊架?!佢唔係行學校出面果到既咩?!
之後第二個行動就係即時行落番可風專用既subway,行去李炳專用既subway!!
Jenny佢地一見我咁做,而又見到水水,
就係咁向我假咳!!
水水佢係分明見到我,但我唔理佢地做咩,只係係咁跑上李炳既subway.
後黎番咗番學校,我問Jenny係subway到發生咗d咩事,足足問咗5次有多,問到佢覺得煩.
件事係咁既~
係我行開咗去李炳subway到之後,Baby汶係咁對住水水話:"庾文暉係你既女神啊~"(水水玩女神online既)之後Jenny就好似話咩"庾文暉點點點",我唔記得咗Jenny佢講過d咩,只記得係都幾important,之後水水就想踢Jenny.而水水旁邊個男仔見到我一見水水就行開,就問:"佢做咩一見你就走?"聽Jenny話水水聽咗之後只係低頭,係到笑.Jenny仲話咩水水係好sweet咁笑,不過我唔係好信佢囉~Jenny佢成日都引我開心既啦,可能水水好sweet咁笑係假既呢...唔知啊...
下星期先可以再見水水啊...可能會掛住佢...
遲d可能又換位...好想又同小政同埋水水一起坐啊...
但會唔會再可以同佢地一起坐呢...?!
|
