今日係步操表演日,
表現得好好啊茶道,加油!! <(>_<)>
------------------------------------------------------------------------------
我發覺有時人真係幾矛盾,
明明中意果個人,
但係其他人面前就係咁話"好討厭邊個邊個啊!!><"
係佢面前表現得好唔在乎,
但私底下都係會忍唔住好在意佢...
有人話:"討厭係培養喜歡既土壤"
我覺得係,又覺得唔係.
經過水水呢年事後,我變得有d唔相信"中意"呢樣野.
老實咁講:中意成日玩我既男仔唔少,成日好似特地引起我注意既男仔都幾多,但真係中意我既人就冇.
雖然話有時討厭的確係會培養到喜歡出黎,
但實現呢個預言既人唔係我.
有時明知同佢係冇咩可能,
但知道佢係我附近,都係會唔受控制咁做出一d野吸引佢注意,
但咁反而係反效果.
人地話d男仔會中意一d有小小蠢蠢地既女仔,
但係唔係好似我呢d中意認叻既女仔就唔會有人中意呢?! .__.
我唔係怪水水.水水佢其實係一個好好既男仔(就係把口衰咗d)
因為唔中意我,為咗唔好比我再傻落去,
選擇咗做衰人,攪到我覺得佢好衰,從而令我討厭佢.
雖然知道同水水冇可能,但有時個心都仲係有小小既期望,
既然人地話"玩你,欺負你,係因為中意你",
咁我好唔好抱住小小既期望,你對我有好感啊...?!
不過就算我有咁既期望,我唔會再做到出晒面.
如果仲係咁,我地會連朋友都冇得做(就算你只當我係你同學).
唯有咁啦...聽天由命啦...
命運呢樣野...我唔再試圖控制你...
討厭...係培育喜歡既土壤...
|
