9月24日興奮的一天

心血來潮！今日準時放工，因為要北上玩呀，不過就有人遲到，激死人！難得我可以咁準時走人，搞到成兩點半三點先到羅湖。

落車之后就急急腳咁行左去一個商場食午飯，一路上都見到毛毛個樣係無笑過，我諗佢可能係覺得呢個地方真係無咩安全感！因為實在有太多email講好多負面既報導！最后揀左間"鼎泰豐"，之前就算去台灣或澳門都無機會食到！今日就食到，叫左crab黃小籠包，湯浸豆苗，陽春面，紅牛面同埋糖醋排骨。總括黎講都好好味！不過就貴左少少，每人都要$40。

食完已經係4點，但我6點要走，急急腳又到左"三島休閒活動中心"按摩。因為我同毛毛都堅持要按腳，按完都成5點lu，最后我打左一個電話決定做埋body先走，但要兩個鐘！陳小做香薰spa，我同毛毛就做中式按摩！原本我都想做香薰spa，但由於時間關係我留番下次先做！做完已經係7點，但因為陳小沖涼沖太耐成7點半先出黎，我比原定時間已經遲左一個鐘走，最后佢地兩個都決定同我一齊返香港先食dinner！

我返到永光已經係8點45分，我一坐底已經係度不停對呀改呀，搞到成10點先走，真係唔好意思啦姊妹！跟住就出左旺角食飯，去左'大頭蝦'呢間d小食幾好食'有沙爹串燒、泰式春卷、馬拉炒通菜、牛肉蝦片！但菠蘿炒飯同金邊粉就唔好食！

今日真係玩得好開心，唯一唔係咁好就係唔可以留係深圳耐少少囉！唔可以食埋dinner先返黎！下次一定要玩盡d呀！預埋你啦！