唉...........一起身已經係兩點幾，訓死左，尋晚姐姐俾左部NDS我玩，一玩之下就4點，出事啦！

見到今日咁好太陽，真係浪費晒！好想好想去沙灘玩呀，今個夏天仲未做下水禮！

今日好想好想出去行下，但都唔知去邊好！

尋日成CELL去左小欖BBQ，係旺角郎豪坊后面有小巴直達16一位，20分鐘內到(超快)。

兩點半左右入場，個度環境都唔錯呀，值得推介，每人只係80包所以有野，入場有支水送，之后仲有兩款野飲送！

唔試過唔知道，原來用法包黎BBQ都好好味GA，仲好味過用方包！

燒到5點左右，大會話有甜品10蚊兩客，試左個旦花大菜糕同芒果布甸，大菜榚都OK的但芒果布甸，就無味....哈哈！

玩到6點鐘走人LU！但原來回程個轉小巴係會係荃灣入面兜呀兜，好在家歡無上車，如果唔係都唔知幾時先返到屋企！

去到半路，我個女打俾我，話想約我食飯，我二話不說就應承左，之前佢約過我幾次我都唔得閒所以推左！

好快就出到旺角去左唱K，其實今次都幾唔抵下，兩個鐘仲要好準時咁CUT歌咩都CUT晒，勁CHEAP呀！每人成130落樓！

哈哈，每次兩個人去唱K，都會唱到破音.....今次都唔例外

之后行左陣，佢突然話想去影貼紙相，落到去見到好多人係度玩射藍，$4一次，有3關，只要過左個個分數就可以落第2關！

第一關40分，好容易就過左，而第二關係150分，好不容易先過到，第三關當然就過唔到啦，好似係400幾分！

限時好似係分半鐘，玩左兩次隻手攰到呢！.......

咁就過左一日，真係好RELAX，因為今日唔便返工！