4月20日只係返左一個上午，下午請左假，因為入camp呀！

話說區二係公司抽中左一間渡假屋唔使錢可以玩兩日一夜，我地就決定呢兩日去貝澳，放工之后就速速忙忙咁入東涌會合陳小同毛毛，佢地兩個超慘，請左假係全日個隻，但成個朝早都無野搞悶到佢地想嘔，哈哈！入到去我就食左個LUNCH，等埋JANET，就去瘋狂購物(係買入CAMP后要用既野同食既野)，之后就坐左成個鐘巴士先到目的地，係途中我仍然要打電話繼續我既工作，到左貝澳巴士站搵屋其間，發現有一間屋應該係預備俾女鬼(JANET)住，超級似人地拍鬼片既屋，哈哈！最后我地要住既地方原來就係呢間鬼屋既后面呀......嘩嘩嘩嘩嘩嘩嘩嘩嘩嘩嘩！

入到屋發現超級勁多蚊，大家忙住拍蚊(除左我)因為我唔敢拍蚊，拍完一輪就睇左陣KALOLO，之后就出沙灘，呢一日既沙灘個種感覺真係PREFECT，又無咩人，又潮退，又無咩浪不過天氣就麻麻！不過真係好寧靜好舒服！大家都係沙灘上散步一邊行一邊睇下地上有D咩野，有隻寄居CARB不肯俾一個無知少年戲弄至死！慘慘慘！

之后再返回屋，因為其他人要9點幾先到，我地就訓左陣！今晚仲特別為到RGC兩位會員慶祝生日！

HAPPY BIRTHDAY TO JANET & REX

呢晚玩得太盡興啦！BBQ完左之后，大家仍然好落力去拍蚊，拍到無晒就開始有D人去沖涼，有D人就開始攻打4方城...哈哈哈！

一邊繼續食，等到所有人沖完涼都已經係朝早既5點半，初時諗住睇埋日出，點知都係頂唔住返房訓左！

到左十點幾俾個電話嘈醒，係公司打黎！就算放假都仍然要KEEP住公司既運作，勁呀！之后就執野同煮早餐俾D化骨龍食，大廚係肥仔聰，我就幫手洗下野第下野，搞到D杯面！總之就要食晒買入黎既野，今次剩番既野唔多，唔錯！

通頂左一晚真係真係好攰！大家帶住疲倦既身軀去搭船到中環再轉船到尖咀，平呀！之后去左PHYSICAL沖涼，因為夜晚要同媽媽慶祝生日！呢兩個食得太多野，肥番2磅！慘慘慘慘慘慘慘！

雖然好攰，但呢兩日真係玩得好開心，超開心同勁開心呀，除左笑都唔識做其他表情！THX GOD！