今日獻出左我既第一次... .. .初初好緊張!心跳加速!手騰腳震!冇經驗既我, 都唔知要做點做!以為會好痛啦, 但其實都唔係太痛!

喂喂喂!唔好諗衰野...我講既係捐血!

 [ 訪客留言(0) ] [ 編輯日誌 ] [ 分享至FACEBOOK ]

介紹下呢兩張相...圖一係５ｂ近期好中意玩既人壘人喇!成日都係我猜輸, 要做最底果個!壓死我!其實都唔知有冇好玩!而圖二就係阿腳同我玩包剪鎚, 輸左既後果... XDDD

 [ 訪客留言(1) ] [ 編輯日誌 ] [ 分享至FACEBOOK ]

今日返學終於冇遲到!謝天謝地!體育堂幾好玩, 跑步跑快左ｄ, 又有排球打!依家冇以前咁憎上體育堂!盧伯成勁仆街!屌佢個咀...[下刪一百字]!好憎佢...成日講到我地好失敗咁!知你高尚知你有文化喇!好心佢喇!唔反省下自已教書有冇問題!淨係識話我地!我唔覺得升唔到F.6就一定係失敗者....

不能愛戀．只能暗戀

 [ 訪客留言(0) ] [ 編輯日誌 ] [ 分享至FACEBOOK ]

收到黃伊汶既E-MAIL!好意外!都唔知講咩好喇!繼續努力...唔好放棄!前路要撐下去...我深信有朝一日大家都會欣賞你認同你, 而我亦可以高呼同全世界人講"我偶像係黃伊汶!!!"

 [ 訪客留言(1) ] [ 編輯日誌 ] [ 分享至FACEBOOK ]

話咁快就到左我地班期待已久既BBQ喇!有１９個同學仔去!諗住搭馬鐵睇下會唔會快ｄ啦, 點鬼知仲慢!轉車轉到我暈!遲左半個鐘...SORRY!男仕們去惠康, 女仕們就入街市買丸!買左好多野飲!剩左果ｄ錢買埋冰雪住ｄ啤酒...搞左一大先搭的去泥涌!好多蚊呢!燒左陣野食, 就同包包打排球!係咁執波!史露比!食左好少野咋, 無乜耐性燒野食!

好快入夜喇, 黑炆炆玩數字球, 都唔知個波飛左去邊!向阿筌噴薯片幾好玩!之後成班圍堆玩話事啤, 高潮所在!勁好玩!初初有ｄ都幾SHY, 但後尾放左好多!唔知做乜成日都係我輸...係咁比人罰!好癲呀我地!唔講係邊個比人罰, 淨係講罰ｄ咩!有咀咀, 攬腰, 摸胸(包包最開心), 抱抱, 互含腸仔, 男上女下, 觀音坐蓮, 女屌男, 含啤洒樽, 痢掂痢....等等!好三級呢!勁爆笑!

玩到咁上下, 番烏溪沙度買酒再玩過!同阿腳佢地去百佳買, 買左兩打, 之後趕番入去烏溪沙!阿餅佢地行左勁入果面!行死我地!SHIT...去到都無乜野玩!宗宗飲醉左...講ｄ野好九唔搭八!偉豪仲醉, 好在佢地都住得近!11點幾就散喇, 驚冇車番屋企!去到葵盛冇車返屋企要搭的!><好遺憾...今日掛住玩冇乜影相!

好難得可以約哂成班同學一齊出黎玩...幾開心!都算係F.5一個好好既回憶!開始對５ｂ有歸屬感!

 [ 訪客留言(0) ] [ 編輯日誌 ] [ 分享至FACEBOOK ]