難得唔洗返學緊係訓晏ｄ!今朝阿媽一早出左街, 冇人買早餐比我食!要捱麵包添!跟住睇「童夢奇緣」, 嘩嘩嘩!好好睇呀, 好記得呢句 "一個家冇左邊個都唔得", 幾感人!臨尾睇到我不禁流淚!係咁流!=.=賺左唔少啟發呢...哈哈!推介!

五點同鯊魚出去, 佢話英皇舊生帶新生讀$50四堂!咁咪試下囉!點知填好哂Form先知冇!燸左!咁我黎九龍灣做乜!?之後去MK既BB任食特區食Buffet, 都唔差!係咁食!臨尾仲每人食兩碗烏冬!勁飽!邊有人會似我地咁, 食到嘔架!?行左陣街消化下就走喇!

 [ 訪客留言(0) ] [ 編輯日誌 ] [ 分享至FACEBOOK ]

好唔願意咁起身返學!救命!好眼訓呀!返到去派手信比包包佢地, 唔CHEAP唔買!哈哈!上堂非常唔專心, 心散喇!LUNCH同埋ｄ同學仔(10個人)一齊飲茶, 好激動!一黎就個個圍攻碟鳳爪, 係咁搶, 女仔們你地ｄ儀態去哂邊!?嚇死我!唔知係咪心理作用...爭番黎既野好似特別好味架!哈哈哈...埋單位位盛惠$32!食唔飽我!唔寫喇...

 [ 訪客留言(0) ] [ 編輯日誌 ] [ 分享至FACEBOOK ]

今日同屋企人去迪士尼, 所以冇返學!包包你地有冇掛住我先!? 一朝早起身食早餐, 10點幾姨丈就渣車接我地去Disneyland喇!好興奮呢!好靚呀果度!入到去第一步係同高飛狗影相, 排左半個鐘隊!o係明日世界玩左巴斯光年歷險, 都幾好玩!又同家姐玩咖啡杯, 好癲呀!轉到我爭ｄ嘔!阿媽童心未盡, 玩旋轉本馬扮灰姑娘!都幾嚇人!XD 買左ｄ紀念品比人, 都唔係好貴, 比我想像中平得多!

去到都冇乜點玩, 淨係掛住同ｄ卡通人物影相!三點幾食野, 個飯堂超靚呢!食左個好難食既咖哩雞飯, 多謝盛惠50大元!下一站地點係探險世界, 坐木船入去森林探險, 個泰山島好靚, 入面有大象河馬猩猩果ｄ, 幾好玩!值得一提係個女導遊好可愛架!之後去睇左個３Ｄ唐老鴨動畫, 好真實!好似真係有個唐老鴨o係你面前咁!勁好睇呀!

夜晚６點o係美國小鎮街落雪, 望上去成個天都係泡泡, 好靚好浪漫呢!７點有煙花放, 靚過國慶果ｄ!睇完就走喇...唔捨得!有好多野都未睇未玩!下年一定要再黎過, 不過唔同屋企人去喇!要同 人去!XD 返到青衣城, 去大家樂食飯!試左個芝士火鍋(牛柳), 一ｄ都唔好味...聽日要返學喇!好攰呢!><

 [ 訪客留言(0) ] [ 編輯日誌 ] [ 分享至FACEBOOK ]

呢兩日勁涷呀, 涷到我口震震!著兩件冷衫都唔夠暖!有冇人可以比我攬下呢!? 今日音樂堂幾正!個個都肯開聲唱, 幾有氣勢同冇咁送殯FEEL!首歌臨尾加左一段仔「絕不能失去你」好搞笑!冬天ｄ時間特別過得快, 好快就放學喇!我地幾個去新港城買聖誕帽同ｄ裝飾!之後歸家喇.. ... .

尋日同鯊魚屎忽痕, 打電話比ｄ小學同學, 約佢地出黎玩!五年冇聯絡喇, 以為佢地會唔記得我呢個人!點知又唔係喎!仲好勇躍出席!感動緊!但原來上年有部份人, 都有約番ｄ同學出黎玩架...但我同鯊魚完全唔知!悲哀緊!好想快ｄ見到佢地!但唔知到時會唔會個個都冇野講呢!?話哂咁耐冇見!><

各位!後日小弟會去迪士尼!要手信就單聲啦...唔CHEAP唔買!XD

 [ 訪客留言(2) ] [ 編輯日誌 ] [ 分享至FACEBOOK ]

１．這份問卷是誰傳給你的？LOUIS!多得佢...
２．跟她是在怎樣的情況下認識的？唱k...我仲記得佢果日遲到!!
３．認識多久了？03年10月18日至到現在
４．她有什麼別於一般人的特點嗎？好堅持自己既原則, 好多時都幾硬頸!XDD
５．在你心目中她是怎樣的人？好硬淨, 好堅強, 好索好正!哈哈
６．現在有想認識誰嗎？問緊乜!?
７．請傳給六個倒楣鬼。包包餅餅鵬鵬OJ士多JORIE(<- 我驚冇人理我!==)

 [ 訪客留言(1) ] [ 編輯日誌 ] [ 分享至FACEBOOK ]