今朝起身冇咁頭暈, 我諗我係感冒!準時返到學校, 最後一年o係WFL過既聖誕聯歡, 好期待!ｄ野食好遲先送到黎, 都幾多野食!但隻大火雞要自己切, 李毅峰切得勁核突, ｄ食慾頓時冇哂!冇乜點食野添...阿皮都幾玩得, 係度扮大波, 好搞笑!影左唔少相呢!最估唔到今年會收到聖誕卡, 連李嘉耀都有寫比我!好幾年冇收過卡喇!THX U ALL!><
時間好緊迫呀, 冇得玩遊戲!嗱嗱聲抽獎, 人人有份!竟然比王正富抽到DOM DOM, 笑死我地!都有唔少GAG位!抽唔中現金獎添...好在同MISS交換左, 換左髮泥!唔洗買喇!呵呵!之後要落去禮堂喇, 個個戴住聖誕帽, 雖然戴左帽好怪, 但成班一齊戴感覺唔錯!
聽晒ｄ人唱歌之後, 好快就到我地喇!好緊張!好唔好彩我地入錯左位, 唱快左!果陣冇哂MOOD唱, 勁唔開心!直至唱到友共情信心先返番黎, 個個都唱得好大聲!臨尾Ｓ４好正!雖然輸左, 但都好享受果個過程!唔該哂各位!不得不提唱難為正邪定分界果兩位, 好正呀!高潮所在!完左之後, 返番課室影班相, 頂!肥鱗影到張張都好迷幻!
PK劉樹洪走鬼左!冇得拎電話, 好在聽日有得拎番!跟住去睇阿濤佢地踢班際足球!好勁呀阿濤, 香富豪都扭得幾勁!不過都輸左!唔緊要啦, 玩下啫!之後一行１２人去食糖水, 風很大頭很亂, 去到甜絲絲竟然冇開到!真係你老味!好在最後都比我地搵到間!食完就走喇!勁攰呀...
 |
