新既１年, 又係新既開始!06年我希望自已可以成熟ｄ!積極ｄ!唔好咁心散, 好好咁應付會考!搵到理想同目標!出入平安!情場得意學業都得意!龍馬精神!豬籠入水!大吉大利!萬佛朝中!!!

 [ 訪客留言(1) ] [ 編輯日誌 ] [ 分享至FACEBOOK ]

樂壇李笑好!!!越唱越強!!好威水!

 [ 訪客留言(0) ] [ 編輯日誌 ] [ 分享至FACEBOOK ]

約左阿餅佢地４點o係新之城等, 但我又遲到喇!SOR... 我真係冇乜時間觀念!等埋包包黎就搵矮杰佢地喇, 哎也!冇個識!冇乜點兩句, 後尾好好多!佢地都幾搞笑... 本來諗住睇戲架, 但又爆哂買唔到飛, 又睇唔成戲添!計劃有變... 變左打邊爐!任飲任食!都OK啦ｄ野, 除左條明日環比佢地玩, 哈哈!玩左好多次先得!比阿餅發現左個技巧!勁野!

飲飽食醉之後, 出去尖咀倒數!爭ｄ要同埋包媽媽一齊倒數, 嚇死包包!哈哈!勁多人呢!封哂路!我地係咁跨欄, 又比我地搵到個算係幾好既位置倒數!5...4...3...2...1!Happy New Year!!06年唔洗DRY!哈哈!o係條街hea左陣, 阿撚同包包ｄ英文想點!?XD 約埋士多一齊玩, 包包嚇親人!哈哈... 今日學識兩個魔術!勁呢!２點幾阿餅小娜佢地就走喇...><

我同埋士多等埋JORIE黎!條友黎到一味傻笑, 飲醉左!好癲呀佢, 冇哂儀態喇!係咁話自己便秘!真係想打鍋佢!下次唔好飲咁多喇!下次我地唔會理你!XD 鵬鵬放工都黎埋, 又叫埋青蛙黎!嘩... 今日差唔多見哂我ｄ朋友仔!玩到６點就走喇!我好似有少少醉, 不過我好清醉架, 唔好諗住昆我去馬鞍山!之後呢.. . ... . 淨係記得好急尿同食左個早晨全餐同士多!

 [ 訪客留言(0) ] [ 編輯日誌 ] [ 分享至FACEBOOK ]

今日訓到12點幾起身, 都幾好訓!之後同包包行去搭車, o係巴士訓到爭ｄ唔知醒!返到屋企沖埋涼就出去喇!遲左半個鐘, SOR LOUIS!但係咁樣走左去會唔會.... 算啦!係我地衰先!>< 講番今日先...好勁呀!我地黎齊哂MK, 阿源果陣仲o係元朗!本來諗住睇戲, 但爆哂場, 都有o既...９點幾果ｄ囉, 但淨番頭三行!所以放棄左!

食左舊有臭豆腐味既炸大腸!又幾好味喎係臭左ｄ啫!等埋阿源黎就韓燒喇!JORIE同果位哩哩經理好好傾咁!果度ｄ野都OK啦, 都幾多野燒!係ｄ有涼茶味既豆槳怪左ｄ啫!我地拎左幾隻生猛既賴尿蝦燒, 見到ｄ蝦係咁爭扎, 慢慢咁折磨, 好好笑又好變態!安息啦...下世唔好做賴尿蝦喇, 做番隻龍蝦啦!<- 又搞爛GAG喇我!=.=

好慘咁比人暗示趕走左...頂吖!比番個爐我呀!之後陪阿源睇袋, 跟住去影貼紙相!都OK樣衰!XD o係公園hea左陣就閃人喇!o係地鐵影証件果ｄ機度, 影左張靈異相片, 三條友迫入去影!好搞笑!XD 咁就一日喇!幾時先捨得溫書!?

 [ 訪客留言(0) ] [ 編輯日誌 ] [ 分享至FACEBOOK ]

MERRY X'MAS!

四點鐘出去葵芳租碟, 留待今晚o係小娜屋企煲!跟住趕去西九龍喇, 好在唔係我最遲!等埋包包佢地黎先食壽司(任食果間), 樣樣幾碟幾碟咁嗌, 係咁食, 飽死!捧住個肚腩走!之後去左踩冰喇, 對踩冰有恐懼, 驚驚地!繼續圍住個邊溜!但之後終於明白點踩喇!要多謝阿餅阿倫佢地既悉心教導, 累佢地仆左幾次街!真係開心!XD 踩左幾個鐘, 腳掙ｄ皮都甩哂, 偉豪都唔捨得走, 真係精力旺盛...=.=

下一站係小娜屋企...值得一提係佢細妹幾靚架喎!哈哈...o係佢屋企睇鬼片, 乜鬼怪談新耳袋!入面有十幾個故事, 但好多個故事都係極之無聊架!完全唔知想點!睇到個個Ｏ哂咀!跟住玩７級豬, 好好玩!好激烈呀!好無聊咁玩左陣壘仙同大長碌!阿餅佢地要走先, 我同包包就o係小娜屋企訓!勁眼訓...冇搵到鵬鵬!SOR!

 [ 訪客留言(0) ] [ 編輯日誌 ] [ 分享至FACEBOOK ]