今日出左去同士多睇《早熟》!本來同埋Jorie一齊去睇戲同唱K架,但佢要陪佢mum去教會!搵耶穌打救?哈哈! 唯有等下次出黎一齊癲番次啦! 我又遲到了!初初仲以為士多會遲過我,點知佢咁守時架啫!不過算啦,我呢d superstar黎架嘛! 係要等下架喇!哈哈哈!~

0係MK見吳卓羲拍緊戲!冇與趣,,, 之後行去戲院!本來睇2:15,但d位太爛了,所以睇4:15!見仲有咁多時間,咪去食野囉!果度d拉麵幾好味...好搞笑呀,我將士多個公仔分屍,,,d手手腳腳分開哂! 好變態呢~~仲有今日係母親節,士多做了我一日媽媽!

之後去女人街買番件校服恤衫,我之前果件比家姐d甩色衫染到一撻撻藍色!買完就去影貼紙,影左兩次!影得都幾好丫,,,跟住就睇《早熟》了!好好睇呀...Fiona d演技比起《學警...》好十倍同埋靚左好多! 曾志偉都幾好笑,,都有d感動位!「做人要有責任感，青少年不要衝動。」好有啟發性!值得一睇~~

跟住行左一陣街買野比我媽,買左盒白籣氏雞精比佢!好Cheap呀我,要問士多借錢先夠錢買!呵呵呵... 返到屋企睇《獎門人》!好好笑呀,,,聽日要返學了! add oil!!!

 [ 訪客留言(0) ] [ 編輯日誌 ] [ 分享至FACEBOOK ]

今日0係屋企過!都唔係太悶...做了「網上遊民」周圍遊下遊下咁!睇左幾隻VCD,但愈睇愈悶囉! 夜晚食蛋糕,慶祝母親節嘛~仲未買野比阿媽呀!家姐今日出糧比左錢我,阿姨都比左錢我!太好喇...錫哂你地呀下!!

好耐冇見黃伊汶喇!有少許掛住佢...><

 [ 訪客留言(0) ] [ 編輯日誌 ] [ 分享至FACEBOOK ]

頂你個制ㄚ!返學又遲到...

今日兩堂Econ都有聽書&做w.s!都唔係好難啫...音樂堂要交我地既心血作品了!Miss播左其他組既故仔《灰姑娘》,佢地做得幾好!我地自卑哂...><跟住Miss揀左我地份Project黎聽!成班起到聽!勁樣衰呀,,Miss話個血掌印封面好恐佈,又話d配樂做得幾好!仲有話包包同趙珠珠把聲幾好! 呵呵...大讚我地!

之後Lunch去左順興度食,好污糟囉!碗麵有毛呀!仲要係孿架,都唔知係咪尻毛黎架!次次去親順興都有意外收獲!跟住返上課室,班主任講今次test既排名,今次我得23咋! 勁退步...正確d黎講英文同Econ都有進步,但對於冇興趣的科目就越來越差(例如Maths,PA,History呢d),搞到拉低哂d分數!再咁落去都唔係辨法,,,我要努力!加大油!!如果我今次exam考得好,有人就要請我去迪士尼了!呵呵

之後有兩堂中文,但個Miss又冇番!冇野做...Help!我完全唔知潮同學想點囉!! d笑聲又樣衰喎,仲叫李毅峰做BB...嘔死囉唔該!好心佢啦,發姣發上腦! 好睇唔過眼呀!! 放學陪佢地借漫畫,跟住阿芝買左d齋!個樣勁核突囉...

 [ 訪客留言(1) ] [ 編輯日誌 ] [ 分享至FACEBOOK ]

考我記憶嗎???唔記得做過乜喇!

保持笑容﹍黃伊汶

因為我清楚    情緒
容易影響   　 後果　才沒那樣傻
旁人說　冷靜如我　只得一個   冷冰表情麼
於是我整天   微笑
無論快樂   　難過　笑容仍不錯

* 就算天堂塌下來　沒法拖垮我
　你不愛   又如何傷到我

# 難過極也是滿面笑容
　 要哭   背著人才失控
　 離場才准放縱
　 微笑著   笑得嘴巴   也覺酸痛
　 才能自制著眼淚   　像泉湧

　 沉重地掛著我的笑容
　 至少要令情人相信　無人能比我勇
　 如果   是無能為力做愛侶
　 再心愛   亦能夠   一笑目送
　 (那感概   為何要   寫上面孔)

黑著臉分手   和你  仍是分手
或者   流淚也白流
微微笑   再沒回應
應該先算   最狠的還手
拉著你的手   求救 
難道我就能夠　搏眉頭一皺

Repeat *

Repeat # with (   )

維持這僅有自信
直到看到你一轉身   眼就紅
為何極痛   我卻在微笑
你永遠不會懂

沉重地掛著我的笑容
至少要令情人相信　仍能如此英勇
如果   是無能為力做愛侶
最心痛   亦能夠   一笑目送

 [ 訪客留言(1) ] [ 編輯日誌 ] [ 分享至FACEBOOK ]

唔記得做過乜了!放學返到屋企同家姐去葵芳行左一陣街!租左幾隻VCD.... 之後扮哂大個仔咁去左馬會買六合彩!我都唔知開心好定係乜了,乜我真係似18歲?? 老喇我!!

 [ 訪客留言(0) ] [ 編輯日誌 ] [ 分享至FACEBOOK ]