今日二點鐘同餅餅,魚旦出左去MK!之前落大雨又行哂雷,好彩後尾冇咁大雨啫!^^魚旦未黎之前,我同阿餅0係新之城扭蛋!好得意呀...^^之後魚旦到左,本生我地冇諗住睇戲,但跟住講講下就買飛睇《House of Wax》了,我想睇好耐架喇!呵呵!買完飛就陪魚旦哥買衫,我都買左件衫! 之後0係M記買野食睇戲!!

《House of Wax》- 比我想像中恐佈得多!d情節好緊張!最嚇人位係比人撕開塊面,剪腳掙同埋斬手指果度!好血腥呀...有好幾次嚇到我嗌! 我好細膽架咋!><不過點都唔夠阿餅細膽啦!有頭到尾都口嗡嗡"我唔想睇呀...好驚呀...我想走呀...總之就唔睇啦!''哈哈~~但係我有d唔明白點解佢地要將d人做哂成臘像呢???

睇完戲0係街度睇人地d街頭短話劇!好好笑呀佢地...都幾Pro架喎! 跟住仲走埋黎問我地覺得做成點...==之後又見到E02同d女dancer拍野!睇左一陣,之後我發覺我袋拉鏈拉開左,我以為比人偷左電話!點知原來我放左第二度啫...嚇死我!!哈哈...之後0係新之城玩左一陣就走了!

 [ 訪客留言(0) ] [ 編輯日誌 ] [ 分享至FACEBOOK ]

今日12:15pm!但夜晚要返番學校做觀衆睇F.5,7畢業!=0=''

放學同阿芝,阿餅,小娜諗住去Neway唱K,點知冇K lunch唱呀!!Happy Hours要$85呀,,雖然好想唱但太貴了,所以冇唱!好無奈咁我地行番去沙田,勁熱勁曬呀!!沿途阿芝同阿餅一路行一路鬧交!好好笑呀我覺得...好少可佢地會鬧交架嘛!

好辛苦咁行到去新城市!Wow~終於有冷氣喇!之後就去左間叫友田料理食lunch!初初仲以為會幾貴下,但原來都係$28咋!仲要勁好味呀!個三色飯係超好味!>0<''食完野行去西田逛逛街!希爾敦有好多咸片睇!d名好好笑!咩濕透了的紅底褲...都係$12咋!

行到勁攰,去左阿芝屋企hea下睇碟咁!跟住又要返番學校了!嗚嗚!!!超眼訓呀...去到見到李毅峰果d!咁都撞到![怨=.=]去hall睇人畢業!係度狂頒獎,足足頒左個半個獎,又聽個老女人講野!妖...坐到我腰酸骨痛!!Shit...人地畢業關我地乜Q事呢?!waste my time...==

最難捱的時間終於結束了!我地去左食糖水,都幾好味!!小娜近排見到d好味既野都會大嗌"um!!好味呀...>w<!"哈哈!食完就返屋企了!!即時上床訓覺ZzZZzz...

 [ 訪客留言(0) ] [ 編輯日誌 ] [ 分享至FACEBOOK ]

 [ 訪客留言(0) ] [ 編輯日誌 ] [ 分享至FACEBOOK ]

劉德華v.s劉德華

今日係甚麼無冷氣日!唔比人開冷氣囉!頂~勁熱呀!開哂風扇都冇用架,d汗係咁流!搞到我個人心情勁煩燥勁炆,間接令到我冇心向學!Lunch同埋鵬鵬一齊去元綠食,果度d人既工作效率真係好慢呀!我果個餐得好少野食,得幾件壽司+冷麵!唔係太飽...><有少少想食Pizza hut!!不過依家仲咳咳地,等我醫番好我食硬佢!!呵呵呵.. . ..

放學謝文龍黎左學校門口,我地一行六人去左嘆下午茶!佢都幾好笑呀,從來都未聽過用一堆屎同一篤精黎形容人架!哈哈...都幾核突下! 之後就歸家了.. . .

鄭中基新歌﹍無賴 (★★★★☆)

曲：李竣一
詞：李竣一

我間中飲醉酒　很喜歡自由
常犯錯愛說謊　但總會內疚
遇過很多的損友　學到貪新厭舊
亦欠過很多女人

怕結婚只會守三分鐘諾言
曾話過要戒煙但講了就算
夢與想丟低很遠　但對返工厭倦
自小不會打算

但只唯獨你愛我這廢人　出錯你都肯去忍
然而誰亦早知不會合襯　偏偏你願意等

＊為何還喜歡我　我這種無賴
　是話你蠢還是很偉大
　在座每位都將我踩　口碑有多壞
　但你亦永遠不見怪

　何必跟我　我這種無賴
　沒大半生還是很失敗
　但是你死都不變心　跟我笑著捱
　就算壞　我也不忍心＊　偷偷作怪

沒有根的野草　飄忽的命途
誰像你當我寶　甚麼也做到
舊愛手中一疋布　在這刻寫句號
只想跟你終老

在地球唯獨你愛我這廢人　出錯你都肯去忍
然而　誰亦早知不會合襯　偏偏你願意等
Repeat　＊
還喜歡我　我這種無賴
是話你蠢　還是很偉大
在座每位都將我踩　口碑有多壞
但你亦永遠不見怪

何必跟我　我這種無賴
沒大半生　還是很失敗
但是你死都不變心　跟我拼命捱
換轉別個也不忍心　偷偷作怪

老鼠愛大米﹍王啟文!估唔到和我想像中既王啟文...爭咁遠!=0=

 [ 訪客留言(0) ] [ 編輯日誌 ] [ 分享至FACEBOOK ]

好PK呀!我又遲到了,,,點解!點解要咁對我!!梗係阿芝咀咒我,,依家我有20個遲到紀錄喇!唔知儲夠100個有冇d獎金獎品呢? 之後同平時一樣上堂咁囉!lunch夾左包糖,但我淨係食左幾粒!因為我咳,,頂ㄚ益哂人!最後果堂落左去聽d暑期工既講坐!講下有咩工作危險...佢講到好得人驚!d相個個都斷哂手指!==

放學去鑽石山搵鯊魚!勁快去到囉,,仲以為要好耐!頂!!搞到我早到左大半個鐘,,,等左鯊魚勁耐!第一時間緊係扲番d錢啦!之後周圍行下...去左間勁貴的茶居食麵!好唔抵食,,我仲要請鯊魚食!><跟住去冒險樂園玩,我係比鯊魚的強逼之下唱左$40幣!我用左大半黎夾公仔,但毛都夾唔到條!Shit...呃錢架! 好樣衰呀我!見到個阿婆係咁拍部機等d金幣跌落黎,我又學佢啦!點知我一拍部機即時熄機... 到最後換左一枝筆同間尺!返到屋企勁攰又狂咳!遲d要請屋企人食下午茶...><

 [ 訪客留言(1) ] [ 編輯日誌 ] [ 分享至FACEBOOK ]