今日己經係最後一日上課了!F.4咁就結束左...><聽日就要Exam喇!Miss Szeto好勁囉,最後一堂英文先黎教果d group discussion!唔識呀...Lunch繼續去美食廣埸度食,我十分討厭,點解我冇得話下事架!? 跟住兩堂Maths冇聽書,訓左一陣...好快就放學喇!

放學要扲哂所有遺物走,勁重囉!同阿芝猜包剪鎚,輸左要幫對方扲書扲一陣!我贏左三次呀...太厲害喇我! 不過臨尾都輸左一次!本來諗住去自修室溫書,但係落大兩呀!破壞左我美好既計劃,咁唯有0係屋企溫啦!一路睇Niki一路溫書...!之後包包仲打黎比tips我添,d tips 0係隔離班d Miss比架!正呀!!

 [ 訪客留言(0) ] [ 編輯日誌 ] [ 分享至FACEBOOK ]

咁快就星期一喇!後日就考試喇...同學們溫左書未!? 今日返學果陣有少許肚痛,好在係少許啫!我唔會好似包包咁上堂肚痛,扲住幾包紙巾去廁所爆石囉!仲要痾d咖喱汁喎... 阿餅佢今日都遲番左,因為佢都肚痛都要泡製d咖喱汁!哈哈哈!!

今日有好多PA堂!唔係太識做,唯有遲d自己溫番啦!PA同Maths我要考得好好睇睇,唔要個位數字呀 !!之後英文堂,又係比果份paper比我地做,同Exam好似冇乜關係...我寧願佢幫我地溫番d grammar同d oral仲實際!小息後有兩堂Econ...跟住中文堂Miss鄧終於返來了!仲諗住佢會比d Tips,點知佢連份卷都未睇過!頂...

Lunch落雨,我地冇傘!唯有留0係學校食小食部d麵啦...小食部d阿姐既工作效率真係快到dum一聲,足足呆企等左半個鐘囉 !冇病呀嘛!?要我等都算喇,,,碗麵仲要勁難食,又唔係平過人!都唔知係咪比人食架,恕我直言!!最後我十分之佩服切午餐肉果個阿姐,佢手藝一流,可以將一塊午餐肉切到好似一張紙咁!我覺得學校應該要頒個獎比佢 !!!

食完果碗所謂麵之後,上左去hall聽 音樂會!去到佢地都己經唱左一大半了,唱得幾好!之後上埋兩堂PA就放學了!阿芝對鞋爛左,笑死我同阿餅!一路行一路指住佢對鞋黎笑...哈哈!好衰添我地!睇左一陣鞋,最後都買唔到!咁佢就返去沙田同佢mum買,我就去葵興溫書了!

今日溫中文,溫左2個半鐘都係溫得一課!Shit...不過點都好,我覺得呢排自己都積極左dd!以前既我一定唔會去自修室溫書,依家就會迫自己去囉!仲開始愛上呢個地方...哈哈!keep it on!但係依家先黎積極會唔會遲左d呢?

 [ 訪客留言(0) ] [ 編輯日誌 ] [ 分享至FACEBOOK ]

單身都不是那麼大痛苦!?

今日冇去溫書呀!因為好眼訓...個天又勁熱!!冇mood溫書,都係留番聽日先去溫啦!下午食左隻綠咸肉粽+鹼水粽,超好味呀!之後同鯊魚傾左陣電話,講下我地d"囉"事!哈哈哈,,,夜晚睇獎門人笑到我爆咀,完全唔知個大陸婆彭丹想點!

 [ 訪客留言(0) ] [ 編輯日誌 ] [ 分享至FACEBOOK ]

並沒甚麼 我愛上的不愛我 我也慣了不想哭太多 嘆息奈何!?

今日2:30pm去左荃灣Study Room溫商業! 但去到都己經滿座左,無奈咁等左半個鐘先有位!==溫左二個鐘就走了,,,之後去葵芳睇下有冇碟租,,,冇乜新戲睇!有好多都睇過哂了...見有少少肚餓就去買野食,食左$12撈撈,一串牛雜,一串八爪魚再加多杯許留山既芒棷蘆薈爽!勁好飲... !!!跟住就返屋企了!

夜晚睇《殘酷一叮》,仲有睇過7,8次既《少林足球》,雖然睇過N咁多次,但仍然都覺得幾好笑!!跟住又睇有線既《太極旗飄揚：生死有情》講兩個好好感情既親生兄弟被迫要左打伏!之後個細弟誤會左哥哥...後尾都幾感人 !

 [ 訪客留言(0) ] [ 編輯日誌 ] [ 分享至FACEBOOK ]

從來只係付出...但得不到任何回報...

頂!今日我又遲到喇!今個月我唔會再遲到架喇!! 第一堂係Maths,唔識呀!!唉...我都己經好比心機聽架喇,但聽極都係唔明!恕我冇天份啦!之後兩堂Econ堂,我d信心總算返番黎!哈哈...西史堂聽猩猩MP3入面d歌真係好正囉!大部份都係d九十年代既歌,搞到我地O哂咀!笑死人,乜呢排興懷舊咩!?等我遲d又入番d七十年代既歌先!!

Lunch去左新創發食,好好笑!阿餅食到最後果陣,發覺有隻死蚊死左0係碟飯度!哈哈哈,跟住我同阿芝就狂嚇佢!「都唔知係咪白紋伊蚊黎架!」「都唔知你有冇食埋佢d手手腳腳架!」「會唔會食物中毒架!?」「估唔到你咁快死!」等等,,, 笑爆咀!!笑完一大輪,行去報紙檔夾錢買雜誌返去睇!

兩堂中文都冇乜野做!都係睇下雜誌傾下計,今日係代課Miss last day!我唔問佢,我都唔知佢原來代左兩個月咁耐!仲以為佢代左一個月左右咋,,,考完試就放暑假了! F.4的日子真係過得好快...可能真係快樂不知時日過啦!唔想咁結束中學生涯!!我會好唔捨得我d朋友仔,,,開始要珍惜下我地一齊返學,一齊食lunch,一齊上堂傾計玩,一齊放學既日子!

突然好感觸tim... 哈哈!放學後我地行新港城,又去零食物語買糖食!果隻檸檬糖超正抖! 之後自己一個去左葵興自修室溫書,溫左之前教果d Econ!好多都唔記得了...溫左兩個半鐘!跟住返屋企睇Bobo+Niki同埋食飯!聽日如無意外都會去自修室溫書!我愛上左自修室,,,

 [ 訪客留言(0) ] [ 編輯日誌 ] [ 分享至FACEBOOK ]