[ 訪客留言(0) ] [ 編輯日誌 ] [ 分享至FACEBOOK ]

今日考PA激死我!!個Final Account我識做架!但唔夠時間比我改正...好悲哀!我真係好想PA合格!考完之後,去左大快活食早餐!跟住0係零食物語買糖吃,又有得抽奬!今次再不是許志安杯墊了,而是價值$3既哈利波特公仔乙個! 跟住又去買左個好好味既鮮奶撻!超正...食完之後就歸家了!!夜晚李毅峰同菠蘿打黎玩電話...我初初仲以為李毅峰係魚旦!之後我又同佢地玩埋一份, 周圍打比人...乜叉俠盗飛鷹! 勁無聊!

想同你講...果句野真係冇惡意架!唔好諗埋一面... 如果我講左d咩令你唔開心唔滿意,你果陣可以即時出聲話我,但就唔好收收埋埋!你唔講真係冇人知你心諗咩架...希望你唔好將呢句野放0係心!

 [ 訪客留言(0) ] [ 編輯日誌 ] [ 分享至FACEBOOK ]

認唔認得佢係邊個呀?佢係M記廣告果個女仔!

今日十點半先開始考西史!西史問答[軍國主義]要背好多野呀!為左爭取多d時間背書,我朝早九點就去左新港城麥記溫書兼且食早餐,試下個新野「香草烤雞扒」!頂...塊死人扒勁細塊囉!食完都好似冇食過野咁!SHIT,,,唔該比番$19.5我!! 溫左一陣書之後就返學考試了!

西史其實都並不是太難!只要背一條問答就可以了...我背左好耐架喇,但我有好多都唔記得哂!激死我!! 放左學同阿餅阿芝去惠康買d壽司食!之後扲住惠康膠袋走去百佳睇下有乜野食,買完野食之後去左美食廣場開餐!食完又再行去百佳買十蚊十個糕點!都幾抵...之後就回家了!!

陳文媛 - 調味人生 (情迷黑森林主題曲)(★★★☆☆)
作曲：鄺靜欣
填詞：張美賢

一生分四份　父母知己尚有工作
還欠那份叫作有情人
如豪華盛宴　多麼豐富都失了分
若欠缺美點完最終的戲份

天天都努力　為我志向虔誠認真
自信我日記每張也繽紛
但我卻害怕　回望時一樣有遺憾
如從來未試過相擁的氣溫

＊人生不只戀愛叫我開心
　吃著純味巧克力　亦很窩心
　仍想親身戀愛試試一吻
　讓歲月更值得回味　心亦近

如果辛苦工作有　滿足感
縱獨來獨往一樣忙得開心
若能真摰地抱擁會更吸引
亦證實美味與初戀　很合襯＊

開心的節日　若有西餅能甜入心
亦昐我共某個可以攤分
上帝要是賜我暫時失落沒緣份
難道隨便愛　愛得衣不稱身　Repeat＊

 [ 訪客留言(0) ] [ 編輯日誌 ] [ 分享至FACEBOOK ]

SHIT...

好唔開心呀!今日第一日考試!考中文...死哂! 之前d所謂Tips有85%冇出囉!呃人架!Miss又話今次閱讀理解係白話文,唔係文言文!點解依家係文言文囉,O哂咀!最得人驚既係我溫果d題目差不多冇出過!出埋哂d偏門野...基本上我溫唔溫都無分別!!都唔明莫小冰點出卷架!! 真係想扲把大蛟剪,剪鬼哂佢d頭髮!!

之後中文作文,我又再死多次喇! 個腦空白左,諗左好耐都唔知作邊條題目乜好!作作下又唔知自己寫緊乜,雖然冇乜離題,但我d文筆好似d小學生咁囉!又唔夠深入...連我自己都覺得作得好差!唉...都唔知自己想點!跟住到second part,尋日Miss鄧0係度講番d寫信既格式,仲以為會係考寫信!點知係看圖作文,完全未教過!!

鄧麗欣(Stephy) - 黑白照 (★★★★☆)

抱抱到了我進睡　獨自就像沒伴隨
背對鏡去抹眼淚　年月逝去
慣了說我太安靜　學習著獨立過程
發覺了也太鎮定　未夠感性

這近照已不再新　面容共我相近
還傻著要　給你苦等

@扮作開心天真知不多　未夠兩歲你竟拋棄我
　時日遠去也需要負荷　就算他每天振作靜坐
　沒你關心緊張的當初　習慣等某天失去寶座
　唯獨這合照看你清楚　證實你曾是家中那個

笑笑說這個宿命   自幸運便沒法停
這次故意更冷靜   沒有反應

看著你我等再等   面容讓我拉近
誰伴我   等到天陰

Repeat @

扮作開心天真知不多　未夠兩歲你竟拋棄我
時日遠去也需要負荷　就算他每天振作靜坐
沒你關心緊張的當初　習慣等某天失去寶座
唯獨這合照看你清楚　證實你曾遞給溫暖我

 [ 訪客留言(0) ] [ 編輯日誌 ] [ 分享至FACEBOOK ]