好野...返埋今日學..終於又可以放假lu...不過..今日好似發生左好多事咁..好多野發生..

今朝一早就係咁落雨..返學凍到我咩咁..之後靈修..陳sir就入黎講返LW班俾人偷野果件事..要check書包同locker...之後miss lai就收左我地十幾部電話...之後11點鐘果時又落左去hall...校長去捉校服..係咁鬧人..之後仲要話我地文科d數學差..全部唔用英文教...轉返哂做中文..頂..迫人ge..英文教有咩唔好喎..想讀英文數又唔俾人讀...shit..而家真係唔方唔純文喇...得返英文科係用英文教..想點呀你..

去完hall...個人即刻down哂..無哂心機..miss ho講埋MC個分俾我地聽..個人仲down..本來都有個B..而家俾MC拉低哂..得返個C..SHIT..無左8.8分..足足9分呀...幾傷心呀..都唔知幾耐無見過數學ge B係我張成績表度出現..而家白白無左..勁唔抵囉..

上完數學上文學..心情好返d..初初miss同我地對卷..講返我地最易錯d咩..今次文學好好彩..都達標pass到..ok啦..都唔識做份卷...對完卷之後..呀sir就同我地寫小揮春..派左大約廿張小揮春俾我地...叫我地自己用自己個名黎諗個四字成語果d..之後佢就幫我地寫喎..我就比較鐘意用個凝字..但係就勁諗都諗唔到有咩凝可用...最後就維有用左凝春接福...不過我都覺得唔係咁好咁樣好似...

之後lunch..照舊落去食野..lunch之後..上到去課室..發現班人話想提早同miss lai講生日快樂...寫哂黑板咁..之後miss lai上到黎..我地就同佢唱生日歌...唱完就落左去睇福音電影-144枝箭..初初落到去原來未做得住...就同人玩啦...點知..shit..一玩就玩到流血...超痛...不過問極人都好似無膠布..shit...就咁就流住血黎睇個福音電影..好好睇呀..其實套電影都幾感動ga...不過係戲場版..我覺得好似短左d姐...戲入面仲有隻熊baba..超得意呀...

睇完戲..返上課室..余x樂就話俾我聽佢有膠布...好野..之後就拾野,,準備上聯課..等左勁耐..都好似未到4點3咁ge..之後去到301..呀sir同miss話今日落雨..唔駛出去..yeah!!之後就留係課室..大家交換d問題黎睇..睇下仲有d咩可以改下..再俾miss ho過目..最後5點7上返4樓..去柯家偉度攞返d書果d野..就返屋企先..

去到6點3..so先至打俾我..之後先至同佢地一齊出上水..去剪頭髮..其實我都唔係咁肯定係唔係真係剪...不過都去左..咁都無計...照剪囉..洗頭果時..超舒服..真係想係果度就咁訓教..之後一剪頭髮..就真係訓都訓唔著..眼都唔咁合埋..勁驚..個師傅..係咁剪係咁剪..剪左好似勁多頭髮咁..超驚..搞左好耐..搞掂哂..不過我覺得好似怪怪地咁..問佢地兩個..佢地又話無野..都唔知係唔係ge..3個人剪頭髮都搞左成個幾鐘..之後成8點7先走出剪髮果間野..去左優之良品買野食..9點鐘都未去搭車..初初同呀媽講係話剪到8點鐘就返到屋企..點知9點都未去搭車..搞到呀媽係屋企勁擔心..對唔住呀..下次唔咁喇媽咪..><..

返到屋企發現呀欣黎左我地屋企度睇碟..睇周杰倫果dMV..之後我都睇埋一份..佢dMV都幾好睇呀..幾型..有d故事好慘呀..去到大約11點先至睇完..睇完之後都勁眼訓..咁呀欣就返屋企..我就去左訓教lu..