今日終於唔駛返學..一朝早..我就實踐左我ge承諾...同肥東去行蝴蝶山...一齊做運動..齊齊減肥...另外我仲要增高添..=.="

朝早8點半肥東打黎叫醒我...其實成個禮拜返早..早就習慣左早起..未到8點鐘就起左身..不過唔想落床住..就係張床上面一路聽mp3一路睇小說..肥東打完黎..8點7就即刻落床..約好左9點鐘係火車站果邊等...驚遲到..極快速咁搞掂哂d野..8點10出門口..一路上見到好多救恩果d..緊係啦..佢地仲要考account..個個都要返學..點知落左去一個字都唔夠..肥東就打黎..話佢到左..O 左嘴=o="咁就一路同佢傾住電話..一路唔知係跑定係行咁樣過去..

去到先知原來火車站果邊都有條路係上蝴蝶山ge..不過果條路超斜..咁耐無行山..行左一陣就已經覺得幾辛苦下..隻腳d筋好似拉住咁...但係肥東話..要一路咁行..唔好咁快停住先有用..不過呢條路比我行開果d斜好多..本來諗住行樓梯會好d啦..點知果d樓梯超大..肥東行一步等於我行兩步..仲慘..>﹏<..行左唔夠半個鐘..就咁就上到山頂..証明我地兩個真係行得好快..不過上到山頂超舒服..d風景超令呀望落去..但係原來呢條山路唔係我行開果條..我行開果條山頂有個亭係度..呢度無..得d空地係度俾人做運動..睇左陣風景..肥東就話要開始做陣運動..但係我都唔知做d咩好..之後就話原地跳..增高..個肥東..我話同佢跳二百下..佢竟然跳左百幾下就話累..咁無用ge=>=..

之後去到大約10點鐘..就落山..肥東話去食早餐..好..佢請客..之後去左明都食粥..一人一碗粥..加一碟炸兩同埋一人一杯豆漿...超飽..食完碗粥同埋杯豆漿已經飽到飛起..仲有碟炸兩..除左肥東夾俾我果兩件之外其餘ge佢包辦..好彩=.=..之後10點9食完就返屋企..

返到屋企11點幾..就諗住沖涼訓教啦...點知上到張床見到本小說..又俾佢吸引住..咁就睇埋先訓..睇到12點半..終於睇完..訓得..一訓..訓到2點幾..醒左..無野做..又再訓過..一訓又訓到4點幾..唔做豬就真係浪費左我..+.+..起身..食飯...食完飯..就一路係咁用電腦用電腦..本來諗住搞下個日記版..唔用人地果d..自己親手整一個..不過恆心加決心加耐性唔夠...最後決定放棄..轉移目標去左搵歌..係咁搵搵到8點幾..就唔用電腦..去幫呀媽手..做家務..無計..放假無野做..就要幫屋企手..=p=..搞左個幾鐘..就開始睇電視..今晚有102班點狗呀..好野^^