尋日真係唔開心到自己都形容唔到..咁多唔開心ge野一次過黎..都唔知自己係點捱過去ge..so今日決定俾自己休息下..唔去語文活動..同呀gi一齊去行下街..散下心..

今朝10點9先起身..之後就打俾呀gi..約佢出街..正式拾野出街大約係11點鐘..搞下搞下搞到12點先出門口..之後就同呀gi出去沙田度行..一路行..一路傾計..同佢傾左好多野..傾我果個"佢"同埋佢果個"佢"..唉..我地兩個都俾佢d"佢"搞到唔開心..都唔知係唔係自己攞苦黎辛..呢兩日唔知點解係度諗..我究竟係唔係應該放棄佢..做返自己呢??但係衰就衰到..我就係唔捨得..shit..好心就放手啦..唉..明知無可能.....  之後一路就同呀gi行街..周圍行..睇鞋..睇衫..睇首飾..睇精品..睇公仔..咩都睇一餐..總之就努力唔諗d唔開心ge野..努力扮靚靚自己..一路行..行到5點幾就返屋企..

大約6點鐘返到屋企..就幫呀媽手拾下屋..之後就同人傾電話..開電腦咁..好似真係好左d...無尋日咁唔開心..係碼今日真係可以休息..唔駛見到d唔想見ge人..返學之後就唔知喇..跟住大約8點半就食飯..之後就睇電視..睇到10點鐘又用過電腦..同人地MSN.ICQ果D傾計...唉..竟然又有d小事令我好介意..又唔開心過..shit..

P.S : 今日第一次試下畫眼線..可能第一次畫..畫得唔係咁好之餘..自己都唔係好慣自己咁ge樣..睇起黎好似好野性咁..好cool好cool ge感覺..ok啦..