7月16日

今日中午先有比賽，但晨咁早有個死人開幕禮

又要我地去，仲有就係要早一日習慣早起身比賽

因為如果入到二十強的話第二日要五點半起身

所以今日6點就起左身，去左跑步，圍住澳門大學跑左3個圈

跑左15分鐘，因為琴晚個冷氣開得太大，冷死左阿迪

佢跑完三個圈先好返D，跑完上返宿舍沖涼

準備比賽既野就落去食早餐，再去開幕禮

但係食早餐個時見到澳大班運動員，但就係見唔到丁丁

個時先記起個傻瓜一早就有比賽，一早就去賽場

見唔到佢個心又好似冇乜野咁，但又好想關心下佢，支持下佢

食完個早餐，就上返澳大個禮堂睇開幕禮，

白白痴痴坐左半個鍾，聽班白痴講野，但我一句都聽唔明哈哈

去完左個開幕禮，我地就要去比賽啦死就恐啦

坐車去到賽場，個時先十一半，差唔多時間又係食午餐

但因為一陣要比賽，我地都唔食得野，

怕食完野會眼訓唔識比賽，攀都攀唔起，就真係笑死

係隔離區望出去比賽個到，我見到丁丁就坐左係一邊

我又唔出得去搵佢，因為一入左去就要到比賽先出得返黎

唔知佢個時又見唔見到我呢，佢會唔會幫我打氣呢?

係隔離區得左三個鍾先到我出場，出場個時係咁搵都搵唔到丁丁

勁唔開心，但係我知道佢一定係唔知係邊到睇住我比賽，我要做好D

一邊攀，每次攀緊個時有難關，一諗到要為丁丁一定要做好D

就算隻手冇力都仲可以頂多陣，係一個好好既幫助，丁丁多謝你呀

比完賽，都未出到成績，師傅就同我地講今晚有人請食飯，

叫我地返宿舍豆下先，因為就算我唔知入唔入到二十強

但我都要做好準備，所以返左宿舍訓教教，教左兩個鍾

其實都有D唔想去，因為唔係好想同丁丁一齊食飯，

我怕我會食唔落呀，但就係返宿舍休息先，我主動去左搵丁丁

係車上面同佢講左幾句，我一坐去佢身邊佢就叫我走開

佢話佢一見到我就會覺得好尷尬，唔知點面對我，

但就係因為佢咁講，我就仲鍾意佢，因為佢我乜都可以做

所以我就自己離開佢，只要佢開心就足夠，我都係第一次有依個感覺

還是覺得佢最好，真係好好，

夜晚去左食飯，仲要係自坐餐，坐車去食飯個時師傅講左我知我入左二十強

所以就算係自坐餐都唔可以食咁多，有得食都唔食得

傷心都爆，同丁丁坐係同一圍，咁有澳D大人

丁丁同個個都有傾有講，就係唔理我，但我都冇叫佢

我唔想因為我搞到佢唔開心，一邊食個心都係一邊望住佢

好快食左小小野，就話要出去買野，同阿迪走左落街行

行左十五分鍾返上去，又話好想早D返去豆下死都要走

坐的士返宿舍，做好哂準備既野就訓啦

聽日就大戰二十強

早豆啦丁丁

一時唔記得左今日係七月十六日

係我同阿珊定婚既日子呀

如果我仲有可能同佢一齊既話

我冇忘記到嫁，我答應過廿一歲同佢定婚

一到廿四歲就同佢結婚嫁，

阿珊你會嫁比我嗎???

7月15號，係我生日，
仲有就係我同丁丁分手之後第一次再見到佢既日子。
係未出發之前我都知道我見返佢，

我個心一定會有D野

只係唔知道真係真係咁大反對姐!

從澳門碼頭落船，直至步入澳門大學

我個心一直都好不安，好驚見到丁丁

唔係驚我見到佢唔知會有乜野反應，

而係驚佢見到我唔知道佢會比乜野反應我，

開心?冷淡?還是係冇感覺就好似唔識咁呀

佢比我既感覺就好似阿珊咁，但我知道我唔係搵佢做替身

望住一個曾經同丁丁一齊睇過既海

行住一條只有小小回憶，但已經好窩心既小路

每段既回憶就好似錄影帶咁係個腦到不停重播

而每個畫面都不其然咁加上插曲

唔需要理會時間既長短

就算我同佢只係有過十日既時光

只要係個短短既時間入面大家都係真惜對方

痛痛快快咁愛一次，就算只係十分鍾都足夠啦

係我地報到完之後，有人同我地返宿舍

我只係去過澳大一次，但宿舍比我既感覺就好似屋企咁

因為，我同丁丁一齊個時返佢屋企就係依家我住既宿舍格黎

第一次都係最後一次以丁丁男朋友既身份黎澳門

我同丁丁就好似結左婚好耐既一對夫妻一樣

丁丁去碼頭接我，一齊去買?，之後返屋企煮飯

食完飯我就抱住丁丁睇電視，眼訓就一齊去教教豬

其實我每次拍拖都好想好想有依一種老夫老妻既感覺

但係要有依樣感覺，話難又唔係，話易又好難

都唔知道下一個我愛既女仔比唔比到依種感覺我呢

上到宿舍，我同阿迪住既地方係一間只有兩張床既學生宿舍

搵左好耐先搵一個像樣點的插座，插著部電腦

因為我地要去開會，所以就出左去

就係開會既場地，我真真正正同丁丁相見啦

那時間，我同佢相距大約十米，我唔知佢係唔係見我唔到呀

我只知道從我見到佢開始，我雙眼未離開過佢

佢靚左好多呀，我自己覺得，佢可能因為訓練哂得太多

佢黑左，第一眼望到佢，佢好似個鬼妹咁呀

又廋左啦，著住件粉紅色係T，我記得我未見過佢著

直到個會開始，我都仲係唔寫得唔望佢，

個種感覺好辛苦呀，因為我知道自己今次係過黎比賽

唔可以比丁丁影響到我，但係我係人黎嫁

見住自己既前女友，又點會冇反應呀

如果可以無反應既話，我諗自己當時都愛得佢唔係好深啦

直到個會開左一陣，有一個工作人員走過黎叫我

佢同我講，因為宿舍有一D安排上既問題，

要我上返去，有直口比我離開，我真係求只不得啦

就係咁我就返到宿舍，等D工作人員做野

係個時我就冇所事事咁係到打日記啦，

打到一半到，阿迪返上黎叫我落去食飯，

我都知道會再出事嫁，去到食飯個個地方

我又再一次見到丁丁啦，但佢一句說話都冇同過我講

只係同師傅師母佢地一齊行，去到一個地方食野

我食飯個時，一D野到唔想食，直頭想走

唔知道自己可以點面對丁丁，唔係因為我對佢唔住

只係我一向都唔識點同一個分左手既女朋友相處

一開始係唔想食野，但一諗到要比賽，

點都一定要食D野，係咁食，都唔知道D飯係乜野味

只知道係咁食，直到食完就自己一個人走先

一走出去，我只係感覺到自己好似係火海返出黎咁

上左澳門大學東亞樓個平台，坐左一陣，佢地就出黎行返宿舍

再一次返到宿舍，我地自己又要開一個會

講下聽日既事，時間點安排，好多好多野

個會開左差唔多四十五分鍾先開完，

之後我地出左去搵超級市場，

從澳門大學行去超級市場就係我同丁丁第一次行街既地方啦

一面慢慢行，一面回憶當時既情景

每一個轉角，每一間商店，都同幾個月前一面

慢慢慢慢咁行，睇到每一間商店，當時我同丁丁既對話

都好似流水咁自己係個腦走哂出黎

就好似丁丁就係我身邊有樣，如果可以係真既就好啦

我地去到市場，買左一D水，生果，咁我地就返澳大啦

途中見到我同丁丁第一次買糖水食既地方，

我就唔住叫哂全部人去食糖水，我都係食返個時食過既喳咋

但其實我係唔食喳咋嫁，因為我一食就會好辛苦想

之係丁丁個時唔知道我食唔到就幫我叫左，

返佢屋企食返到勆屋企同佢一齊食又食到

但我返到香港自己食過，我都係會想死嫁下

一邊食，一邊諗，我都未見過咁好食既糖水，

有意義係唔同D既，真係好正

食完糖水，返澳大為聽日既比賽準備，我會加油嫁

聽日就要去比賽啦，

記得上一次去廣州比賽既時間

心情同依家差唔多，

唔係因為比賽緊張

只係因為冇個女朋友係身邊，心情唔多好

上年十二月同WINNIE開始

佢係一個幾好既女朋友黎嫁，

我要攀石訓練佢又唔會左住我

仲成日係石場睇我玩，個時個心情真係好正

佢可愛既百分比比阿珊底

但係惡魔方面既百分比就比阿珊高好多啦

仲有呀~~~佢外觀又真係幾誘惑我既

總知就係第一眼見到佢就好吸引啦

誘惑我的可愛惡魔WINNIE

今日去左攀岩，又唔玩得太激

慢慢玩，玩成日先玩得三次

七點幾返到屋企，出奇的攰

今日又冇乜點攀，都咁Q攰

上左菲書，同阿靜傾計

中間佢問到我有冇搵阿珊

其實個時因為仲好鍾意阿珊

所以同左阿靜分手，返左阿珊到

都可以算係我的飄移感情啦掛

其實個時同返阿珊一齊，過左個幾月

個個幾月都真係幾開心嫁，一世都記得

只係一齊都冇兩個月，佢就忽然唔見左

搵又搵佢唔到，半個月後先知道佢同左第二個一齊

個時都真係幾心痛，但又可以點呀，

我傷過人，家下比人傷返，好公平呀

我對佢就係咁大結局左啦

但我都係好掛住佢~~~~~~~~~~~~~~~~~阿珊

今日唔洗訓練本來都係冇野做係屋企ON99

訓左成日，三點幾先落街食野，又係食意粉

食完返左屋企，上網睇電視，睇到攰又訓

點知八點幾個時，有人打電話黎搵我老母

聽完個電話，佢就叫我出門口，我都未知乜樹

一落街就上的士，我就知依次PK啦

去到醫院，見到阿婆急救緊，咁咪出返去等

等左一陣，個醫生出黎話阿婆未死得救到返

咁咪出去睇下佢點啦，佢仲精神過上次我睇佢個時

一D都唔似急救完，阿婆忽然間問我做乜唔同女朋友一齊黎睇佢

我仲諗緊佢講邊個，佢就話同我個名有同一個字個個

我先知佢講邊個，佢仲話好鍾意個依個女朋友

講講下佢話就飲水，我去拿水，返到黎佢就......................................

後來先知佢因為尿毒上腦，記憶有問題

佢仲以為我同個個女一齊，仲話佢好好叫我記得錫哂佢唔好蝦佢

只可惜我同佢既情只有三個月呢

我知係佢心入面我一世都係賤人

但我都會覺佢同阿文一世都咁開心啦