今日一早就比希子叫左起身

又唔洗返學，係屋企做左小小功課

一點幾返左學校玩攀石

醒起今日有個人實習完

知道佢好想佢條仔陪佢

但個個人又唔知有冇時間啦

一直擔心佢冇人陪會唔開心

好想好想打電話關心下佢

可惜係我根本冇咁既資格

我又唔係佢邊個，個個人理唔理佢

我又理唔到，我只可以痛心咁睇住佢地

擔心左成晚呀，訓練個時都傻下傻下

都唔知自己係到做緊乜

我都係就改變下唔可以咁易比人影響到

鍾意一個人，你唔會理會佢理唔理你

只要知道你仲會理佢就可以啦

同佢一齊只去過一次既商場

一個係九龍灣既商場

仲記得個時的同佢只係想到這裡走走

那時這裡的商店只係得幾間

行左一陣的同佢就係商場搵左個地方坐低豆豆

豆多兩野仲訓著左

哈哈，個到真係幾好訓

今日班朋友話去唱K

又要我去返個到，

唱K又同佢有回憶，個商場又有

個時真係好想打個電話比佢

但這個聲音只悄悄在我心裡回響

因為我同佢分左手啦

分手了，回到充滿回憶的地方

更加思念她

原來那段愛情還是存在著愛和想念

好不容易和她一起去睇戲

可能電影開始沒多久，她就開始打瞌睡了

她返學上堂一定好累

我把她的頭輕輕放在我身上，擔心她一起身會不好意思

扮作沒有發現，繼續睇戲

可是我錯了，她醒來

裝作若無其事咁睇戲

就這樣，過了一會兒，她又低頭睡著了

看著她累成這樣，我心澀澀的

趁她稍作精神，對她說

「老婆呀，我好攰呀，唔想睇啦，

我地不如走啦，下次再睇過好嗎?」

從戲院出來，她卻大聲說

「你到底做左乜野，咁累呀

哼，我今日就放過你」

「真既?老婆我錫哂你，想食乜呀?我請」

佢就算強詞奪理都係咁可愛

依個就係我只能愛佢的理由

星期日，去左石澳攀石

個太陽超惡

差D哂死我，玩左一陣

就哂到傻下傻下

攀左幾回，隻腳又痛

但又要做野，唔攀又唔得

好攰攰呀，玩到6點幾就走左

出左去砲台山唱K

同公主仲有阿偉

三個人玩到成十一點幾先走

攰死左返屋企

今個星期發生既事，真係唔多

但比我諗野既時間就真係多得太離譜

因為小小行動不便，所以成日訓係到

一日有成４分３時間有訓係到，

自己都覺得好悶，但又唔起得身，咁就訓係到諗野

乜野叫值得呢，

好似兩年前，我係我朋友手上搶走佢女朋友

個時我有可能冇左個好好既朋友，咁值唔值得呀

同佢一齊既時候，又用左好多時間陪住佢

晚晚都冇得訓，唔洗返學都一早起身叫佢，

一年前同佢分開左，又追返佢，比佢玩到想死

到頭傷心就只有自己，咁又值唔值得呢

直到最近，我因為一個女仔同左我女朋友分左手

琴晚痛到死死下因為一Ｄ原因痛到出去，仲冇結果

咁又值唔值得呢，唔好只係講我自己呀

有好多男仔，個女仔都唔再鍾意佢，但佢地都死心塌地咁愛個女仔

咁佢地又值得咩，

其實諗左咁耐，值得唔值得，到最後只要係做事前個一秒有諗過

值唔值依個問題，個件事就已經唔值得咁做

因為如果從一開始就覺得值，就唔會諗依個問題

事後可能會因為小小變動你會諗返值唔值

但最小係做個時自己覺得值就得啦

但到左依家，個個女仔唔再鍾意我，但要我為佢死都係值