二零零九年十一月二十七日  星期五

        哈囉！大家好呀！我叫BorisLO228呀！多多指教。好彩今日係星期五，明日不用上學，可以開個新QOOZA賬户。早前見到我同學既呢個QOOZA好好玩，又有個人Homepage又有我最喜歡的BLOG（日誌。以後我會用「BLOG」黎代替），好開心。

        今日第一次打BLOG，好興奮，又好尷尬，好似有D唔習慣咁……算啦第日就OK啦！講左咁耐，要入正題啦。

日記部分：

        今日早上要去西環到做身體檢查，點知一做就做左成三粒鐘。
        早上完左早會，返課題，再等Miss講埋D瑣事，就出發啦。去到西環，要上12樓，架大貨𨋢都要分兩次黎上。上到12樓，我媽媽已經等緊我喇，唔知點解佢要跟住我去呢？首先去度身磅重量血壓：高左6厘米，重左幾KG，血壓偏低TIM。接著去驗眼，右眼好過左眼。之後見醫生，佢話我身體OK，但係條骨有D「S」型，要去照唔知咩「莫乜照片」，6個月後去覆診=3=
        就係咁，就DUMP左3個鐘……
          D人好唔上宗教堂，所以希望老師不來，不過亦逃唔過班主任的中文課。^^
        原本最後個兩課係教Music，但因為音樂老師都係教我地History，而且History有成6頁古希臘沒有教完，所以變了History課（其實音樂沒有甚麼東西要教）。唔錯呀！
        今日放學後有油畫班，要繼續畫個幅「骨頭」，我自認唔錯。幅畫下個星期有得睇！
        油畫班完左，去中環會合媽媽，順便去佢公司樓下間好味的「Subway」。叫了個4寸的Mini，要左牛肉做『含』，加左塊芝士，入焗爐烘一烘，再無限加D Toppings（蔬果），跟著加醬，我要左蜜糖，好正！一個4寸Mini賣＄19。

覺得唔夠？去我個YAHOO BLOG睇下啦！呢個QOOZA係日記，個個YAHOO係文章。雙劍合壁！ hk.myblog.yahoo.com/borislo1997-lifeworld