最近上連登見到有個post講銀之匙完結
見到d comment話呢套漫畫好感動 就走去睇下
我一貫做法都係如果套野有動畫 就先睇動畫 之後再睇漫畫
咁我就睇左動畫先
份量唔多 兩季總共22話
雖然節奏算慢 但因為係日常番既關係 話咁快就睇完
漫畫亦唔係特別長 高中二年級同三年級都係好快帶過
結局亦收得幾匆促 算係留左d幻想空間
好 重點來了
我點解要花咁大篇幅去講呢套野呢?因為我想介紹俾大家睇
(已經入左我動畫榜既S級)
套野到底係講咩呢?
男主角 八軒 出生於一個城市家庭
自細係父親既教育之下 成績年年考第一 八軒自己既心態都係要追求第一
直至初中畢業 八軒發覺自己一直都只係為了成績第一 冇人生目標 學校老師就推薦佢去蝦夷高農度讀
黎到呢d鄉下地方 八軒既第一印象係所有人都成績麻麻 相比起自己以往成日攞第一 佢對於自己係呢度攞到第一好有自信
但第二印象就對八軒有好大衝擊 事關佢發覺呢度既人個個都有自己既目標同夢想 恰好同冇目標既自己係相反
另一樣野對八軒造成好大衝擊既 就係農家既人情味
八軒為左搵手機信號(農區冇信號覆蓋)打算利用打工既休息時間從打工既御影家行去另一個朋友駒場家
點知原來兩家既距離有成8公里 行到休息時間已經早早完哂都未行到 八軒擔心自己咁樣錯過打工時間會俾人鬧
 
點知御影係擔心佢既安全大於一切 呢件事正正反映左農家同城市人既思想衝突
除此之外 以下呢段劇情都令人深深感受到農家既人情味
事緣係八軒係御影家打工既時候因為疏忽犯錯 令幾百公升既牛奶灑出
   
八軒覺得自己要負上全部責任 所以拒絕收取工資
但御影家原諒左佢 仲叫佢可以從中學習
令人感到濃厚既人情味
特別要講講牛姨既分鏡
每逢劇情既氣氛得好沉重既時候 就會用幾頁0對白 類似四格漫畫既手法去表達 令讀者睇得更專注 好容易會產生共嗚
另外 如果係好沉重但有對白既情景 就會用電影式既分鏡 先對動作黎個close up 例如呷一啖茶 就會close up攞住茶杯隻手->角色飲茶既畫面->放低茶杯既close up->角色大頭+對白
呢種類似拍電影既分鏡好容易就令讀者身歷其境 事後既衝擊就更大
呢段劇情就係最好既例子
八軒既朋友駒場夢想係成為職業棒球員 賺到錢之後就繼承家業─駒場牧場 養左好多乳牛以擠牛奶維生
  
為左呢個夢想 駒場要先帶領球隊出戰甲子園
劇情黎到北海道預賽既決賽 只要贏埋呢場就可以去甲子園
  
   
結果駒場夢想破滅 佢亦從高中退學 出黎打工還債
大概既介紹就去到呢度 整套漫畫既劇情都令人意想不到同充滿人情味
絕對推薦大家去睇!
|
