06:22
我又冇訓了
呢幾日多左打blog
因為真係好想記低自己經歷過既每一刻
日後睇返 可能會懷念身處呢一刻既自己
如果冇寫低 就無從懷念了
我個msg sd左出去一日半了
仲未收到答覆
睇黎係無希望了
好似自己挖左個氹俾自己踩
如果唔復合就藍剔
係我一直以黎最驚既結果
好驚斷左聯絡咁就一世
估唔到我會自己提出
不過都啱既
曾經相愛過冇可能再係朋友
要斷纜就應該決絕d
呢排好鍾意聽《(一個男人) 一個女人和浴室》
係古天樂同謝安琪既合唱歌
好鍾意古天樂把聲
完全係一個成熟麻甩男人既聲音
佢應該係呢個世界最啱唱呢首歌既人
不過我諗我鍾意呢首歌 有7成係因為d歌詞
可能我或多或少覺得藍定凌同我自己重疊左
我曾經好相信佢講既嗰句
「最後嗰個會係你(我)」
我好似冇左嗰個耐性等落去
上次俾你d fd玩
我曾經同自己講:如果佢下次搵返我 我一定唔可以理佢
好笑既係 句野我記得好清楚
但自己完全做唔到
一直同自己講(我記得J康都有講過) 唔可以同你攤牌
因為如果失敗左 我就一無所有了
估唔到今次 我竟然冇耐性到同左你攤牌
明明唔應該俾兩個選擇你既
應該只係俾「好」同"Yes"你簡
我又冇做到
唉
翻睇左幾次我sd俾你篇千字文
發覺唔知up緊乜
冇主旨既
真係想講咩就打咩
之前有d秘密收埋左 講哂出黎
今次真係渣都冇得剩
我覆你之前見到你同我講對唔住
真係睇到好灰
好似你終於認同左近呢5,6年黎我一直講緊既野咁
就係我覺得好似一直俾你呃緊
一直都只係俾你玩緊
我記得f5嗰陣我有次有講過呢樣野
但
其實
我唔想聽到你講對唔住
我寧願俾你玩一世呃一世
宜家講到好似你從來都冇愛過我咁
我唔信
如果冇愛過 以前點會復合咁多次
有好多次都係你自己忍唔住搵返我架
如果冇愛過 點會覺得呷醋
點會見到其他女仔同我合照 你個心會痛
如果冇愛過 點會想同我kiss同我有身體接觸
我想你面對你自己既心
就算宜家唔愛 以前都一定曾經愛過
唔好否認自己既過去
就打到呢度啦
都講得7788喇
宜家已經0712了
聽日(今日)要返學
早抖了
p.s.
到底你幾時先會發現我個blog有update呢
幾時先會入黎睇我既心底話呢
|
