我嚮往的生活節奏 
今日一早起身,明明遲左...諗都唔諗決定唔搭的士。
依家即使明知自己遲到...都唔想去搭的士,我發覺....我越來越喜歡坐巴士那種"慢"o既感覺。
有時候...生活節奏太快,會令人緊張。行步路都快過人....我經常一支箭咁行(只限於工作時段)~
所以.....工作以外,我好嚮往悠然o既生活。哈...懶有生活品味咁。
阿闊先生今日第一次坐巴士。哈~帶埋佢返工....
今日不太忙...而且仲好似好得閒咁..如果日日好似今日咁就very good!!
收工o既時侯開始日落...個天好靚。太陽好靚。
 阿闊先生@ ASIA EXPO
阿闊先生的背影........好有MOOD喎......哈哈!!!!
返到東涌...去左M勞買士多啤梨新地返屋企食。
熱騰騰....最好的消暑食品就是雪糕。
夜晚終於o係屋企食飯...好耐冇o係屋企食過晚飯...其實阿媽都好少煮飯~哈!!!
媽咪仲買左cream mask...唔知好唔好用呢~
| 
最新日誌 
::
