未雨綢繆 
今日一早就起左身...十點幾,對我o黎講...已經好早。
超級眼訓'sss....因為我成5點幾先訓~
(我發現....我個BloG好多時都會出現呢個表情!!哈~)
之後就同媽媽搭車出去整指甲~~
今次唔知整咩好...淨係想清D...唔想整太多野。
今次整左鴨仔...(定係雞仔呢?)同埋蝴蝶結~好靚~^o^
整完指甲之後,就去左做腳仔Massage.....做左2個鐘。
好舒服...不過按到某d穴位真係痛到爆'sss~
中途我都眼訓到訓著左...
之後就去左旺旺食元綠壽司~因為太肚餓啦....
叫左好多野食~食到飽飽~~
 
個芝士火腿唔知咩......類似pizza o既野,太多芝士,好"漏"~~
跟住就同媽咪去左勝利道睇狗狗。我地o既目標係poodle~
因為今日媽咪個"養狗尊家"朋友要返工...唔可以同我地一齊去睇狗~所以今日都係睇住先...
要再約過一齊去買狗狗...我地唔識睇,怕買左d病狗返屋企就大O樂~哈!!!
呢隻係今日同媽咪一齊第一眼就睇中,好鍾意o既狗狗...佢2個幾月大...係男仔~
傻到爆...一抱起佢就好"o爹"~一放落地...就好活躍...
不過...相信下次買o既時候,佢已經去左人地屋企lu~~
行多陣街我地就返屋企喇。
一路行,一路諗....買狗o個日要買好多stuff...仲要帶住隻狗狗返屋企。
所以....要打的的返屋企。哈...諗得太快喇...
因為我好期待帶狗狗返屋企o個日~ 其實.....我係未雨綢繆o者!!哈哈~~~
今日又買左小金o既stuff啦!!!係File同埋公仔~
另外仲o係身體店度買左Body massage油~用o黎下次去做massage 時用的~~
 
|
最新日誌 
::
