鐵人耐力戰 
終於有時間打BloG啦!! 其實都眼訓到不得了.....
因為一個3號風球.....兩天沒有回家。=.=''''''
-----------------------------
Information Block上大大大部份都出現紅色....
代表取消同延誤(係冇set到新departure時間的long delay)
打風.....好多機都Cancel晒...或者預唔到咁嚴重...delay...
成個機場...大部份飛機落唔到地,成日只要數班飛機可以順利到港...
一返工...就不停做...做...做...停都冇停過。
原本o係London o黎香港o既維珍...落到唔到,飛左去上海~但check in左o既客全部都走唔到...
因為佢地要坐呢班機去sydney...結果...帶走d客,帶餐死.....
夜晚...o係sydney o黎香港o既機,可以落到...但都要delay...以為還好....
所有客上晒飛機之後...因為天氣太惡劣~連企o係飛機入面都好似坐緊船咁~
最後決定要cancel flight...飛機落客...
但同一時間...早d飛左去上海班機再嘗試返o黎香港...大家要分頭行事...忙到七彩~
已經係半夜1點幾....班機到左香港....試左兩次都落唔到地...結果都係要再飛返上海~
其實o個班機真係好危險....落o既時候發生d咩突發事,例如突然好猛風,班機真係會"炒"~好驚......
好在最後都係唔再試落....我地一來做少好多野...二來d酒店房可以鬆動d~~~
繼續再做返cancel o個班機o既客...全部要帶去酒店~今次分開左兩間...一間係上次o既萬麗...一間o係佐敦~
我最後去左佐敦o個間....checkin晒所有客已經係半夜4點幾...我同同事仔終於可以透啖氣...去7仔買少少野食~
訓o既時候已經係5點幾...差唔多6點~
續....4AUG...
| 
最新日誌 
::
