« | 2 | 3 | 4 | 5 | 6 | 7 | 8 | 9 | 10 | 11 | ... | 21 | »
歷奇BloG'z
:: 最新日誌 ::
:: 我的連結 ::
:: 好友留言 ::
2006 年 8 月 10 日 星期四
返到公司...見到Rene就即刻比史廸仔schedule佢... 一打開見到..佢即刻攬住我,給了我一個"啜卜"~ 同事仔開心...我又開心。 倫敦有恐怖份子... 全人類高度戒備~連今日做o個班維珍都高度戒備... 雖然呢班機冇delay...但聽日o係倫敦o黎香港o個班就會delay... 聽日會好辛苦...連食飯時間都冇。 所以...我要自己準備便當...kekeke... 新屎坑地帶住新手錶返工。 呢幾日已經不停睇狗雜誌同搵資料... 已經約好了下星期二會去睇狗狗...好緊張呀~ 希望可以順利帶Poodle仔仔返屋企啦...十個期待~
刊登時間︰2006-08-11 03:08 AM [ 訪客留言(0) ] [ 編輯日誌 ] [ 分享至FACEBOOK ]
2006 年 8 月 9 日 星期三
一路諗住唔訓...唔訓...上網到9點幾就上床休息~ 點知就訓著左..訓到3點幾就起身~~ 阿媽明明話北上,但冇去到...就陪左佢出佐敦拎返個電話~ 因為我本身都要去sony ericsson個維修中心整返個handfree~ 整完野所以一定要做o既野就去行街街~ 不過我個handfree冇得整,一定要買過個~但成3百幾... 結果我買左個冇remote o既原裝handfree,平一半...可以玩"生滋"~ 去左行家私舖~好靚.....超鍾意佢所有家私o既Style~ 又不停亂影..好開心~~
好靚o既吊燈~~ 最喜歡呢個位置.....媽媽說用以前徙置區後樓梯的牆來作室內佈置~ 果然依家個trend係復古。 其他擺設亦都好靚'sss..... 連貓貓狗狗都有特別而設o既家具~~ 連走廊都有佈置.......點解呢間家私舖有咁大轉變~??? 我好喜歡啊~~ 行完之後.......應該係話...亂拍一輪之後...就走了。 繼續行街...終於買左Belt~搵左好耐都搵唔到dot dot Belt~ 結果買左Fraobois Belt~同埋買左條平平頸鏈~~ 之後去左食米線....又係賣飛佛~~YumMy~~ 食完野後..去左睇新出schedule...點解小金自己冇獨立出ga... 最後,我買左史廸仔schedule~~仲買多左本比Rene...因為佢係史廸仔super fan屎~ 而我...就是為了有小金而買了史廸仔,但小金只出現了6次...haha!!!粉紅色的是我... 行街時見到有明日更好...蛙o既扭蛋~抽左一個~哈!!! 好開心.....買左好多野。仲買左衫衫同褲...kekekke~~~~
刊登時間︰2006-08-10 01:17 AM [ 訪客留言(0) ] [ 編輯日誌 ] [ 分享至FACEBOOK ]
2006 年 8 月 8 日 星期二
...Happy Birthday To You...
今日人地生日,咁岩又day off,訓醒就出左去尖沙咀買禮物~ 去左Habour City搵Lillian傾左陣計...好耐冇見過佢啦~~ 本來打算買B字衫...可惜唔記得左帶staff card,discount左會平成百幾蚊.... 所以都係再諗下買第二樣野... 結果o係Agnes B見到條新出o既男裝手鏈都好靚~ 而且出左幾日就賣晒...叫個sales哥哥帶比我睇睇,都唔錯~ 所以....就買左條手鏈送比人~影唔到相相..... 跟住就繼續行街街。好想買野比自己.....不過又冇咩特別野想買。 想買BV掛頸電話繩...但係都係出左糧先買啦~ 去左muji度買野... 經過兩次返唔到屋企訓之後...我發覺我locker入面一定要有基本o既化妝品同一定要有落妝用品~ 所以我去muji度買d樽仔同其他stuff~~ 買完後就去左旺旺度Join人地... 去信和買碟...哈~終於買左呢期Hit爆o既軟硬~ 一set兩盒...都係$145...抵~~kekeke..... 睇唔到個show,就睇住呢個先~~ 買完之後....去左潮流特區度行下.....點知見到我o係台灣見到o既Zucca手錶~ o係台灣好貴...而且仲係新款,所以唔捨得買~比我o係香港見到... 個sales哥哥仲平左好多比我...所以...我就買左呢隻Zucca錶~ 不過呢隻錶比較細.....有dd睇唔慣~~哈..... 然後就去左"笑笑"度同人地食生日飯~ 叫左好多野食...YumMy~~~ 翅生..小食..壽司...冷麵...仲有自己燒牛肉~全部都好好味~~哈哈!!! 食完野本來打算睇戲....但場場爆滿..唔通香港電影業復甦!!? 咁就去做許留山食甜品~ 今次食新野.........芒果亮晶晶~~個名好.......滴汗~哈 食埋甜品後冇咩攪作....去左唱K~~ 可能聽日係中五放榜...特別多學生哥~想當年我地都係去唱K等放榜~ 一唱唱到天光.... 返到屋企....一D都唔眼訓~~ 行街時仲買左個好得意o既電話繩.....係史廸仔個玩具---小金~超愛佢......哈!!!
刊登時間︰2006-08-09 08:56 AM [ 訪客留言(0) ] [ 編輯日誌 ] [ 分享至FACEBOOK ]
最新日誌 
:: 我的連結 :: 好友留言 ::
