2005 年 12 月 20 日  星期二

考完試喇，呵呵!! 

20號係個大日子，因為今日我地考完試喇!!為左慶祝呢個咁大的日子，我、yuki、catherine & michelle放學後去唱k，去neway呀，好多我地學校的人，去到，佢叫我地10:30先上去，其實差唔係好耐，都唔俾我地上去!!上到去，貴左，無奈~~38蚊由11:00唱到1:30。一開始就唱一時無兩，之後唱的歌多數係twins，係我打算插曲的時候，佢同我講夠鍾囉~~之後就去影貼紙相，哈哈  好多人呀!!當然多數又係我間學校d人啦~~我地影左3部，分別係$50、40、40，我一共用左$42，加埋d膠片，總共係44蚊，ok抵。影完就要去行下街，最近咪旺中囉~~我呀，本來打算買牛仔褲嫁，但係影得大多貼紙相，咪唔買囉!!點知由於我抵抗唔到，所以誘唔住地買左一條價值49.9的牛仔褲，佢一蚊都唔肯平，佢話我下次來光顧先俾優惠我，佢仲話我地學生妹先有錢喎，無奈!!之後同athena&michelle行，佢地想買衫，但係行左好耐都未買到，最後係某間商店先買，$60兩件，ok令。就係佢地選擇果陣，我見到一條野，係可以掛係牛仔褲果d，佢賣$25，但我無錢啦，咪叫佢平d囉~~，佢問返我轉頭想買幾錢??一個黃金機會，趁機壓佢價，10蚊，佢都肯賣，呵呵!!