今日放學之後，我地house d人係課室內傾表演咩項目，傾左n分鐘後，就走人。我、crystal & fanci唔知點解去左旺角行街、食飯、影貼紙相。一出閘就去左新之城，打算影左貼紙相先，之後先食飯，點知我地落到去，佢話11點先開門喎，無奈囉~!咁咪去食飯先囉，本來想去m記，但係附近無，就近近食kfc，落到去，仍然係早晨時段，食早餐唔化算，就去大家樂睇下，都係食早餐。係兩邊走來走去，決定唔到食咩。最後我地去大家樂食lunch，每人$12，低啦！！之後就去影貼紙相，一共影左＄２７，幾令∼影完就去行旺中，fanci買左兩件衫，crystal就買左條短褲，而我啦．．．無錢，所以想買唔得！！行完就要做返正經事－－買雞翼，我地去到保安道個條街，問個檔主可唔可以平ｄ，佢一口咬定話唔得囉，我地就一定唔光顧佢啦∼∼去到菁霖，佢ｄ雞翼$8/磅，okay幾大隻，當然就係果到買，最後講唔到價，不過佢每人送左一支好細的豉油仔，好過之前個檔，拿返屋企個陣，重死我啦~!