2005 年 12 月 3 日  星期六

買左舊冷 

我兩點幾返左學校，以為今日要上堂，點知我返到去，一個人到無，我就打電話俾bonnie，佢竟然唔聽我電話；之後我就打俾domi，又係無人聽；ｔｈｅｎ我試下打俾esther，直情係唔通；我地走出學校，打俾kitty問下，好彩佢聽，佢話唔洗返喎。好慘∼∼２．４無左！！無奈地搭返地鐵返屋企。當我去到深水埔站的時候，想行下街，於是落左車。行到去蘋果商場，見到好多人係度買冷，咁就走去湊熱鬧。我見到佢地買冷，我又想織返條，我揀呀揀，終於俾我揀左一舊冷－－粉紅加白，二十元。佢果度，買冷送織針，點知佢送晒，叫我今晚黎拿。買完就返「龜」，打開個衣櫃，發覺我ｄ長袖衫，好多都係粉紅色，我決定後日（星期一）去換冷同拿織針。