唉~~今日o既交通終於恢復正常喇,
罷工事件告一段落~
今日我去左海軍辦公室問成績,
我合格左喇,
下個星期二要去做身體檢查,
之後就等空缺喇~~
少校話最長要等都係等二個月,
嗯....我諗好快就可以入海軍喇~~

呀!!第三日喇~~
罷工還罷工,都唔好一次停哂吖嘛~
一係地鐵停,一係巴士停嘛,
兩樣一齊停都有o既....
無辦法啦,唯有繼續o係屋企發毛啦~~

大罷工第二天,
我整日都o係屋企無出街,
其實好想出去玩,但係又無車出,
結果悶到發呆....

我今日去考試,但係今日有大罷工,
全部巴士同地鐵都停駛,
好彩我姨丈開車送我出去,
如果唔係就要行出去喇,
行o既話我諗都要行幾個鐘....好彩好彩~~

我3點鐘到海軍office,
等到4點就出發去考場~
考試6點正開始,
考試有9個部份,每個部份最少二十題,
每個部份限時都不一樣,最短時間限時10分鐘...
考o既內容大約有:
科學,數學計算,英文詞彙,閱讀理解,數學知識,
機器應用,機器知識,電子化學,邏輯思維~
結果考了3個小時,
9個部份有3個部份我識,
其他部份有9成唔識.....
唔知考唔考得過呢..~~

今日做左一個好重大o既決定,就係加入美國軍隊~
我報左名加入海軍,我同我媽咪講話我想參軍,
佢即刻呆左,重問我係咪有病~
哈~係咪真係有d驚訝呢~~
不過都唔係話我想做就做,
都要考試,我下星期二就考試,
希望考得過啦~~