阿牛 - 陳奕迅  

不能回頭　多年前早明言不能回頭
可恨在是我這一頭蠻牛
幾年來無法侍候　才和我分手

成婚之前一刻才趕到
難得你來通報才知道
往日共你追憶永遠是好
怎能預計似這般難共你同諧共老

你話只需肯做　差一剎　與我拾回舊好
不甘心　尤其這新婚　就像玩犧牲
想過搶新娘　我差點講真

歷史一刻早已將舊伴侶轉送別人
我說　別傷心　仍能恰當大方去做人
約定日後你若和他相分
拿來用你尚有餘的惻隱　憐憫
我自身的不幸　不緊要　約到明年來生

＊不甘心　人人不開心
　尤其這新婚　失去我身份
　不甘心　明明不開心　就是不甘心
　不過我肯等　等一生都等＊

這都好　自小想拿到的全得到
如今我求不到才知道
我命運裡雖則當你是寶
天涯尚有更多的好情人仍然未抱
要這麼的慘酷　他不要　我再拾回舊好

REPEAT＊

一頭蠻牛　闖情場竟成為一頭蠻牛
慘淡在是我知不能回頭
欺騙我能約定未來回頭　我是牛　我是牛

今日最後一日上korean老師堂喇,我今日見到佢唔夠20分鐘~
我考完試之後就去左office搞野喇,之後傾左兩句佢就走喇,
唔知係咪搵佢個妹呢~佢同佢個妹係twins黎架,一模一樣,我都認錯過一次

之後kelvin開車話帶我地幾個人去沙灘,開開下車話唔識路,
結果去左睇電腦,嗯.......灰灰地~
睇完跟住去左公園打鞦韆,好耐都無玩過,好好玩呀,
我用盡氣力令自己打得高一點,目標就係我前面棵樹o既樹枝,
我試左好多次,終於可以掂到一兩下,好開心達到自己目標~
如果可以o既話,我想下次可以同你一齊去玩

今日一早起身出去擺檔,上星期的生意很好,所以都諗住今日生意會不錯.
但係事與願違,可能今日上午天氣唔係太好,好似想落雨,所以無人行,
搞到今日生意好差,唔開心....

三點鐘就收攤喇,跟住就返屋企抖抖,真的很累...
唔知點解呢排都好累,成日都會頭暈,希望快d無事就好喇~

今日一早起身同媽咪去左醫務所做body check,
其實只係好簡單咁做左幾樣野,
下星期五就有驗血結果,到時我就知我係咩血型:p

今日上堂睇電影"finding nemo",我之前都睇過兩次,不過係都係講中文o既~
今次就係英文o既,感覺好唔同~
不過都係覺得好好睇,不過呢堂已經係尾二架喇,
同呢個miss相處左三個月,佢係korean,唔識講中文,同我地溝通都係用英文的,
佢好有心機教我地,又花好多時間去備課,成日都教我地課本以外的東西,
佢係一個好好o既老師~
所以感覺好唔捨得,我諗我唔會忘記~

諗番起我中學果D先生,我就無乜印象喇,
我連讀過咩做過咩都好似無乜印象,諗唔番起...
空白一片~可能我o係別人記憶中都係空白一片,
有時候我在想其實我係咪一個容易比人遺忘的人??
我想...

...我怕被遺忘...