今日係開學o既大日子,所以我一早就返左學校喇~
早左成兩個鐘~~~
(其實係唔見左張schedule,所以要早D返去拎)
唔知點解D書又大本又勁重,睇見張schedule一日有三堂,
日日拎咁多本書返學,真係條腰都比埋佢...

今日成日都無出街,o係屋企訓到12點幾~
然後睇黑超特警組1,之前睇過,再睇返都覺得好好笑^^
睇完之後就開始發呆....
發呆.....
食晚飯發呆.....
沖涼發呆.....
坐著床邊發呆.....
望著電腦發呆.....
直到msn傳來震動,等到我好想好想被佢重視的"朋友"出現,
佢問我某些字倉頡碼點打,我~好開心好開心,
有一種被重視o既感覺,
但係我發現被重視的只係我懂得打中文o既能力,,
唔緊要,我嘗試找別的話題,縱然我係一個唔係好識講野o既人,,
我試過,不過我無呢種天份..
安慰的是 o係佢未完全學會倉頡之前,佢需要我,,
聽日開學,原本諗住可以相處多一陣,
結果太累,唔可以陪佢繼續學打中文...

今日一早就出左去擺檔~~
因為上星期生意唔係太好,所以今日都無抱太大期望~
今日係我地o係呢個flea market最後一天(應該唔會返黎)
其實都好多客人問我地會o係邊度開,邊度有鋪頭,
哈~~証明我地d包包(手袋)都唔錯架~
今日都係做左百幾蚊生意,都算係咁,
下星期開始轉賣新野,唔知趕唔趕得切轉~

今日返左學校攞書同埋聽左校長講一大篇文章,之後就去左沙灘玩~
我無乜點落水,攤左o係沙灘度,感覺好舒服呀^^