今日同Peter兩個人去左Coney island,今次係我第一次去那邊逛逛~
個沙灘真係好大噢,D沙都好細好幼,嗯嗯,真係唔錯^^
今日天氣又好喎,太陽伯伯唔係成日出黎,而D海風又好清涼,所以一D都唔覺得熱
沙灘有好多人好熱鬧,好多人打排球,我都想打埋一份~
我地行行下見到有個遊樂場,入面人頭擁擁,好多機動遊戲,
我地都入左去逛逛,真係幾多野玩,比之前啟德機場個冬季嘉年華還要多...
Peter睇到唔捨得走,但係都幾夜,成6點鐘,所以真係要走~
今日比太陽伯伯曬左一陣,隻手又開始痛,依家隻手"紅扑扑",成隻紅燒豬手咁,
講講下好似都有D肉香o係隻手走出黎> <
遲D重要出去曬多好多日,實變紅燒豬豬

終於開檔喇~~
今日天氣好好,太陽伯伯一大清早就出黎,琴日成日都唔見人...
我同kathy約好今朝7點鐘到圖書館等,但係我6點半就到,所以就打電話問佢到未~
佢都好快,6點45就到喇,住得近真係好,佢話佢6點先起身,但係我要5點起身,如果唔係實遲到^^
跟住我地就一袋二袋,粗身大細咁上巴士去flea market喇~
我地約阿cane好7點半到,點知佢又早到7點15就打比我話佢到左flea market,問我地到未,
當然我地都差唔多到啦~

cane從佢媽媽那邊攞左幾塊木板整張枱,我就砌我帶黎的架子,kathy就幫我地忙攞貨物出黎擺賣~
8點左右就擺好,可以做生意喇~

成個朝早的生意都唔好,問價錢的人就好多,買的人就一個都無,一個包包都賣唔到出去,都無哂心機...
到12點左右,我同cane都商議好將價錢慢慢降低,試下客人覺得邊個價錢ok~
呢個提議果然成功,我地開始掌握到佢地想俾的價錢同埋佢地大多數鍾意的款式.
可惜佢地鍾意的款式我地入貨不多,賣光喇.剩下來都唔係太好賣,
不過都好好喇,因為今日係第一次賣,都賣了成兩百蚊,都賺到十幾蚊人工^^
不過kathy既飾物今日就一件都賣唔到,因為佢賣既價錢好貴,所以好多人一問完價錢就走喇~
我同cane都叫kathy換過另一批便宜的手飾,太貴的東西o係flea market係賣唔到的,
我講我下一次去攞批發的時候我會幫佢攞另一批批發~
好彩佢都無唔開心,話哂都三十歲,人都成熟D~

今日peter無端端打電話比我問我地o係邊,然後佢無端端黎搵我地,我地攤無端端又多左個人~
玩得好開心,不過我地幾個都被太陽伯伯晒到"紅扑扑",哈~
~~四個黑人的誕生~~

琴日成班人五,六個約好今日一齊去考筆試,點知今朝去到都係得peter,kathy,cane同我4丁友~
約8點鐘,到8點鐘都係得我同peter o係度...kathY 8:15到,canE成9點先到......
跟住我地4個就去左交通部考試,kathy好唔好彩唔記得帶齊証件,所以無得考~
而我地3個男生就相相pass,kathy即刻發脾氣^^

考完之後我地就行左一陣街街,跟住就去睇包包喇,我地去左我之前個boss間鋪到睇睇,
之後又跟佢一齊去睇批發,聽左佢唔少意見~跟住我地買左好幾包就返去囉~~

今日天氣唔係咁好,有d雨,希望聽日唔好落雨呀~~~唔係就"玩蛋"

今日mid term後我就找住cane陪我開電話~
佢帶我去佢之前開果間電話鋪睇,問完價錢就走左
之後睇左好幾間,果然阿cane無介紹錯,都係第一間係退得最多錢既一間,
跟住就開左個家庭計劃,月費都係40蚊左右(雖然第一,二個月要成150蚊...)
我都應該可以應付到o既~

攞左兩部nokia返屋企,玩左一陣,都幾好用又幾靚,
但始終都係唔鍾意,我都係鍾意我用緊呢部電話~

~~鍾意就鍾意,好難去改變~~

麻油麵今天生日,我send了一幅畫給她~
係我好比心機整的,雖然不是什麼漂亮的畫...希望她喜歡啦~
不過我最想送的禮物還放在書枱...

今日我放學就去了manhattan買包包(手袋),買了兩款,共16個~
看來少少的,但原來都幾重~
最慘的是回家的時候落大雨,變成落湯miffy...
原本想上星期六開攤位,變成這個星期六,
時間突然好似多左好多,嗯嗯...始終唔係好想,
我好想可以寄情於工作,暫時麻醉一下自己.......