今日同阿媽商量過,都係買新車好過二手車~
因為買二手車要一次過比哂錢,
而買新車就可以分期比(雖然分期分成幾廿個月),每個月都係幾百蚊,唔駛咁傷~
嗯嗯~~不過都係再睇下D價錢先諗啦~~

今日係回歸日,回歸番去flea market~
開始o係flea market開番檔~懶左三個星期,搞到今日起身好鬼累...

不過累都抵,今日生意好好,比之前做果幾個星期重要好,而且開始有好幾個熟客仔,
佢地重問我地點解上兩三個星期唔開檔,哈~感覺真好~~^^
請左Peter食kfc黎報答佢幫我拎野之恩,
如果無佢幫我,我都拎唔到咁多野^^

今日曬左一大輪,又健康左好多喇~我唔係咁想咁健康......

唉~~~好熱呀...
呢幾日好熱,開住風扇都唔掂.點解屋企無冷氣架!!!!~~~

今日一早就起身出門口去考車~~
考9點半,我就9點鐘已經開始排隊,勁多考生.我就排到第十幾個~
等左好耐都未到我,等考試種感覺都幾唔知點....
我見到兩個女考官,一個肥d一個無咁肥,
跟住個師父就同我講話無咁肥果個同佢好friend,我一定可以pass到.
跟住我就數下佢係咪睇我果個考官,哈~~我數到係佢,即刻定哂^^

點知無端端多左個考生,搞到我係肥果個考官考我,即刻勁緊張呀~~
到我考果陣,一開始就唔記得打燈轉彎,嘩!!!
之後u-turn果陣無端端又勁多車,嘩!!!
臨考完又走左部垃圾車o係我前面行下停下,嘩!!!

嘩~到最後個考官比張紙我簽名,然後講左幾句好快o既英文,
搞到我都唔知pass唔pass,跟住師父走埋黎同我講我pass左~~勁開心呀!!!!
我重以為肥左tim~~
哈,達成左一個目標,向下一個目標出發^^

今日3點鐘去學車,聽日就考喇,搞到自己有點緊張~
開開下車都犯左唔少平時唔會犯o既錯誤,唉~~
希望考試果陣唔好咁啦,我要一次pass架....

學完車我就返左屋企,好幾日無返屋企食飯喇,
我唔返屋企食飯唔會覺得唔開心,反而覺得開心,因為唔駛o係屋企食隔夜餸...
今日無人同我出去食飯,結果要返屋企食飯,真係有點兒唔開心~~~
我想出去食呀!!!

聽日考車,我就好乖乖咁一早訓覺覺,一定要一次pass!!!!!