今日訓覺訓到好遲先起身,勁舒服:p
訓到12點,然後煮左個公仔麵食,好好食~~

o係屋企磨到3點半先出門口,出發去Kathy屋企,
約左Peter同Cane o係圖書館等,點知Cane遲到,
不過唔緊要啦,都唔係等左好耐.
齊人之後我地就殺上去Kathy屋企~~

去到之後,我地三個人就坐定定o係到等食,不過都等左好耐,
其間同Emily玩左好耐(Kathy個女)
等到7點,Amy放工上埋黎食飯,齊人就開飯囉~
今日有炸雞翼,煎魚,酸菜排骨,菜心牛肉,
好好食~~不過無左炸豆腐,差左少少.

食完飯,成班人坐度睇vcd,不過係講國語,所以唔係好明佢講乜?
睇完vcd就去左玩枱波,結果搞到好夜先返屋企,雖然好累,不過好開心

開始慢慢學會放手,
我每一日都會打開銀包,看著你的相,
回想起我倆相處的一段日子,
我會將對你的愛放o係心底.
之後我每一日打開銀包,看著你的相,
都會感激你曾經愛過我這個人.
----------------------------- 
 

我給你最後的疼愛　是手放開
不要一張雙人床中間隔著一片海
感情的污點就留給時間慢慢漂白
把愛收進胸前左邊口袋

最後的疼愛　是手放開
不想用言語拉扯所以選擇不責怪
感情就像候車月台　有人走有人來
我的心是一個站牌　寫著等待

今日一早就起身去學車,星期一考喇,心情有DD緊張^^
原本11:30開始學,不過我遲到,遲到左成十分鐘.....
唉....我都唔想架,我都早左成個鐘出門口,但係部死巴士遲遲都唔o黎,我等左佢成十幾廿分鐘,
上車之後先知個司機哥哥應該係新黎,開得鬼死咁慢,唉~算數....

遲到之後比個師父依依哦哦左一輪之後開始學車~
其實開車我都無乜問題,問題只係我唔係好熟呢邊D交通規則,呢邊考車原來真係比香港易,
不過我都有成年幾兩年無開過車,所以都係要溫習溫習一下好~

1點鐘學完車就諗住去Flusing Mall等Kathy同埋搵Amy傾下計,
點知行行下見到Peter,跟住咪一齊行囉~
Peter去搵佢班同事~唉,我始終都係唔係咁鍾意果D咁o既人~
Peter叫我同埋佢地一齊去KTV,我原本都唔想去,不過佢叫到,又話要請我去,咁咪應承佢囉...
原本諗住好早去,點知等黎等去都未去,4點半重未起行,咁我同Peter兩個咪走先,
浪費哂D時間...原本諗住幫Cane整電腦同睇貨架~唉~~

跟住我地兩個返學校涼冷氣同上網,差唔多8點,又唔想返屋企食,咁我地就出去食野喇,
我地諗唔到食咩,就求求其其去左食pizza~
嗯,個pizza雖然唔係太好食,但點都好過屋企果D,食完之後傾左一陣計就走~
我問Peter係咪有D鍾意Amy~哈,果然不出我所料,原來真係其事,
可惜Amy一早同我講唔鍾意佢呢~
Peter雖好,但都係無用,可惜可惜~~

[好,　無人欣賞我好]
其實我咪又係同Peter一樣...

今日成班同學去我屋企玩煮飯仔,我地一放學就去買餸,
買左D雞翼,排骨,豆腐,重有D調味料~
跟住就一行五人咁去我屋企開始煮飯仔~

今日主廚係Kathy,所以我地幾個人都係坐定定等食,
Kathy煮了幾味.有煎雞翼,炸排骨,炸豆腐,炒西蘭花,豉汁排骨,重有買返黎o既燒鴨,
哈,真係樣樣都好食,搞到我食到停唔到手(太耐無食過一餐好架喇~)
結果我地清哂所有餸,白飯都清哂,真係利害~~

好期待今個星期六去Kathy屋企食飯~~~

今日我地一行五個人去Cane屋企食飯,我地一放學就即刻買餸過去~
今日係Cane同Amy落廚,哈~~兩個好似情侶檔咁,所以我地三個就走哂入房等食飯.

Cane整左蒸排骨,炒生菜,香菇豆腐~
Amy就整左一味麻辣豆腐~
可能Cane做o既係上海菜,所以我唔係好識食,而Amy做果個豆腐好好食,又好辣.

結果我就食哂Amy整o既麻辣豆腐,食到個咀都腫左^3^