今日出左旺角搵麵鑾珊~到兆萬之後幫阿珊去換鞋~之後等埋麵就去左仙跡岩~
飲左久違了既香芋珍珠~好味...我都很想去澳門~但我已經冇乜錢喇~怎麼辦?!?!?!
之後行左一陣旺中~睇中左條工人褲呀.....但唔記得問幾錢=.=
跟住就去左mtr搵中子~傾左一陣就去左油麻地間2%~試左條褲~
細碼唔岩~但中碼鬆到可以就咁除~同個sale講~佢勁係到話無可能架啵~
另外1個仲話你可以加條belt咁咪得囉~佢地好似一定要強迫我買咁~
超有壓迫感...............
之後就去左搵紫~買左個巴斯光年既水壺~係用飲管飲個隻~哈....小丸子呀~
跟住就同左個應該係混血兒既女孩子玩~佢玩到唔肯比番d車阿紫~
之後就用糖賄賂佢~結果係成功的~小朋友永遠都係咁天真的~
玩玩下就10點~之後就同麵紫珊~去左澳門茶餐廳食飯~
叫左5樣野~每人$52~都幾好~下次都可以考慮下.......
之後就搭1A回家~竟然要1個鐘先到屋企囉~早知搭28算~
P.S.今日見到klss的校友~盧XX~好似好樣左~我知有d人應該會羨慕我~
哈哈哈哈哈.....
仲有呀....我竟然見到其中1個團友喎~真有緣~但可惜佢見唔到我=.=

今日去左睇e生~好彩冇事~放心晒~之後磅左體重~輕左成10磅~之後同媽媽講~
佢話:咁個磅應該壞左喇.......=.=雖然我都唔信~但都唔洗咁呀~
之後去左食飯~食完我就回家先~見到架13D而且又唔係距離好遠~咁我咪追囉~
點知上車o都左8達通~先醒起未增值又冇散字~之後同司機講~佢又唔理我~
我又唔知點好~淨係企左係到~之後司機就好唔耐煩咁話:行啦~
都唔知司機係好人定態度差~淨係知道自己好瘀...........................

各位我返黎喇......................
4日既旅程完了~好唔捨得呀...................
第1日___17.06.2006
5點起左身~基本上係冇乜點訓過~太緊張喇~食左個麵~換3~就向機場出發~
差不多7點就到了~等埋cathy姐~就去左集合~我地個團有17人呀~
搞埋d手尾~就入閘lu.........係過關既時候諗緊會唔會見到明星呢?!?!?!
係依個時候羅家良就係我地既中間經過(cathy姐係前面~羅家良係中間~我係後面)
我地2個望住佢係到勁傻笑~搞到佢超尷尬呀........搭電梯既時候佢係我地後面呀
見到佢令我諗起先生貴姓~終於係機場見到明星喇~哈哈哈哈..............
之後cathy姐係機場上左一陣網~就上機lu~飛機上面有得睇臺灣d音樂會呀~正..........
好喜歡你　卻說好久不見<---係飛機上聽到~繼而超鍾意~
飛機餐有腿蛋治+生果+橙汁=ok好味~落機之後就換臺幣+簽證~終於到了中正機場
香港領導.....Zoe~臺灣導遊......漢大哥
第1站.......深坑豆腐街~食了串燒臭豆腐~好味~但都不是臭的仲有自家製小粉圓豆花~
第2站.......101摩天大樓~由於我地掛住去誠品書店睇書~所以冇行到101呀>.<
幫爸爸買了漢字的故事~而我就買左2本關於人馬座既書~
第3站.......西門丁~食係阿宗麵線~排隊買阿宗麵線既時候~由於我地有d急~
結果漢大哥就幫我地排住先~返黎既時候~佢話請我地食呀~唔洗比番錢呀~
有d無奈既感覺~阿宗麵線d感覺好似碗仔翅~但我覺得碗仔翅好味d~
食完就行左陣西門丁~d衫好靚呀.....但好貴呀>.<買唔起呀~
有間d糖超型~想買~但覺得會好尷尬......所以就放棄~
第4站.......福華渡假別館~間酒店對我黎講好gd呀........2張床好似泊埋咁濟~
有得睇綜藝節目呀......有楊丞琳的~係講TB架~有d真係幾型架~
第2日___18.06.2006
經過尋日~我地幫其他人改晒名囉~有1家4口~2公婆~1家3口~大/小情侶~
2母女~擔遮果2個~印象最深刻莫過於擔遮果2個~因為無論曬與唔曬~佢地一落車~
繼而冇"雅"遮頭~佢地都會開遮~加上佢地既語氣實在太gd喇~
第1站.......忠烈祠~睇d軍人係到操兵~
第2站.......珍珠養殖中心~入到去就係到講解~途中2母女個女係到"打喊露"~
係打得好大聲個隻~可以講話全團人都聽到~之後阿男朋友就講話:佢表達左我地既心聲~
之後全部人都係到笑囉
第3站.......食飯~17個人一齊坐~正......好有屋企feel呀~d 食送 都幾gd~
第4站.......中正紀念堂~講歷史~兼且又係睇操兵~有d都唔專心既~射喱眼咁望途人囉~
第5站.......椰林溫泉~我冇得浸呀....可惜~cathy姐浸就出左餐廳坐~想飲野~
但已經冇乜錢~所以就齋坐~之後漢大哥比左2杯水我地飲呀~跟住仲比d花荼我地飲~
仲話:你地係學生~d錢應洗則洗~依到d野貴呀~但浸完之後要飲水架~
跟住佢就比左d野飲我地喇~個果moment有d感動.......亦都有d唔好意思~
第6站.......士林夜市~食左好大塊既炸雞排~好味呀飲左蜂蜜苦瓜~真的很苦呀....
仲食左蚵仔煎~唔係太好食~好少蠔~好多粉團~仲有魯肉飯~仲有1個花枝乜乜~
唔記得左呀~之後就行街lu...係giordano買左條短褲~發生左d野~比人笑左勁耐囉
係臺灣giordano買褲係咪好白痴呢?!?!?!仲買左條手 金連 呀....
P.S.仲有去拜神架~但唔記得左係幾時~導遊話幾靈架~唔知係咪呢?!?!
第3日___19.06.2006
第1站.......故宮博物館~睇d出土文物~睇左小小我地就坐係到~hea到夠鐘集合~
第2站.......中國茶道研究中心~買了綠茶粉同金桔乾~同團友們一齊買~
結果比原先應該平了6百多元~
第3站.......唔知叫咩名~係買d玉佩既地方~透過我地既年.月.日就可以幫我地算一算~
好準~準到有d可怕~好驚~
第4站.......美麗華百樂園購物中心~冇錢玩摩天輪呀~只係行商場咋~
第5站.......9份~係途中話唱歌喎~好彩冇我地份姐~
跟住漢大哥就話介紹d賣檳榔既女仔比我地見識下~佢仲講話:以前d女仔著好少架咋~
d毛都露出黎呀~聽到之後笑到我同cathy姐死死下~但其他人又好似冇乜反應咁~
去到之後食左綜合3丸(個名好似係咁)跟住就行左陣~買左d野~
第4站.......食海鮮~好貴呀.......同HK差好多呀~d螺仲要係岩岩好一人一隻~
我地個圍得8個人咋~飲左d臺灣啤酒~整體黎講依餐麻麻~
第5站......中信酒店~個廁所超掂呀.......如果第1間既房+第2間既廁所咁就gd喇~
我地睇埋d電視超搞笑~
第4日___20.06.2006
自由活動~8點半起身~9點9向淡水出發~成員有我地~一家3口~2母女~大/小情侶~
搭捷運去的~好慢呀...同HK差好遠~之後去左漁人碼頭~情人橋~之後搭船返去淡水老街~
食左豆腐~炒粉麵~魚蛋~之後我地就走先~搭捷運既時候有個BB坐我地對面~
個BB望住我地笑~我地又對番佢笑~之後佢個親戚竟然稱呼我地做阿e~
最無奈莫過於阿親戚同1個貌似30多歲既人~亦都係稱呼阿e~
我既輩份竟然可以咁高~真係冇諗過~
本來諗住可以再行下101~點知唔夠時間~結果就係101買左件3比阿哥~
之後就去返西門丁~cathy姐買左件3~之後就去拎番d手信~跟住就集合~
之後2母女既阿媽就問我:e.....你特登黎臺灣既tommy買3呀?!?!(類似係d咁既說話)
聽到之後我勁想一野打落佢塊面到~
之後就搭車去機場~領隊話d位好亂呀...所以搞左勁耐~
去到入閘既時候~條友可以講話係冇睇過我本護照就話:算了~都唔知可以比咩反應~
到左等上機既時候~我見到隔離個男人拎住個唔知咩係到整個鼻~仲要係轉下轉下咁整~
咁精彩既時刻~當然要即刻同cathy姐講啦~hea左陣就上機~有得睇獎門人呀...
飛機餐係生果+麵包+應該係冬菇炆雞既飯+朱古力+橙汁~
好有電視送飯既感覺~9點幾到機場~差唔多個個都有e道~搞到我都想申請~
等埋行李~分埋手信~走得都已經係10點幾喇~好唔捨得呀..........有d想喊既感覺~

今日終於都唔洗10點起身喇起身之後~睇左一陣電視就同媽媽落街食飯~
今日食齋呀..........好味~一路食一路睇c奶強人~睇睇下~個電視比人轉左囉~
好無奈呀~乜都做唔到!!!!只能默默咁接受.......
之後去左恆生拎錢~間間都冇得換臺幣~唯有去到先換~
跟住就去百佳買零食~之後就同媽去街市買 食送 ~買完就回家lu.........
返到屋企就執下行李~好驚帶漏野呀..........之後就同cathy姐傾下有咩要帶~
7:40集合~1個鐘既車程~每架車15分鐘一班~聽日我究竟要幾點起身呀?!?!?!
我今晚會唔會訓唔著架?!?!?!第1次冇阿爸阿媽係身邊而出遠門好緊張呀..........
突然諗起幼稚園首歌呀.........成年後　什麼都不可再　有成人遷就

別牽著我的手　想著別人臉孔

今日又10點起身喇~我就黎發癲架喇.....>.<之後打電話去book時間睇e生~
之後就去左金鐘拎臺證~間野係超級簡陋架~真的好臺灣feel~去到坐左一陣就搞掂lu.....
之後阿樂打黎話去唱K~我當然賞面出席喇突然間諗起飛行機~都唱左幾多歌~
但始終都好似唔夠咁...點解你地個個都可以見到Eugene架....而我就
唱完就回家喇~一番到屋企就上網~係到勁睇S.H.E d片~好似上左癮咁~
開始覺得她們真的很棒喔!!!!
掛住睇S.H.E~搞到唔記得左睇法證先鋒呀......>.<
P.S.我唔記得打比阿鑾呀>.<............sorry呀~

氣溫熱過頭　偶爾會發瘋
並不代表我不懂得溫柔
太高的鞋跟　雙腳在發抖
換雙白球鞋走起來多輕鬆