今日終於係去茶會喇~10點起身~之後去左藍田拎護照~個條友勁唔掂呀~
本舊護照佢話要~咪比佢囉~之後佢比我話除左個套佢~
洗唔洗咁呀...除一個普通既護照套有幾難喎~
之後佢叫我簽名~我簽到中間個名~佢先話我簽錯囉~又唔早講........
拎完之後就去左所謂既匯景茶餐廳食午餐~之後就搭地鐵去尖咀~
16號同17號一齊開茶會~其中一團得14人咋~唔知會唔會係我地呢?!?!
依家d旅行袋勁型呀~唔似得以前個d咁騎呢呀........
之後媽媽突然話有個人幾靚仔~之後我就沿住阿媽既視線望~我見一個阿叔
我就話咁都叫靚仔~阿媽就話痴線!!!梗係唔係佢喇~之後我地就係到勁笑.........
返到屋企3點幾~上網申請左臺証~聽日去金鐘拎~依個禮拜好似未停過咁
食完飯hea陣就洗澡~之後就睇法證先鋒~之後就到15/16~陶大宇同家樂仔好搞笑呀~
近期好似鍾意聽國語歌多d........

在意  誰曾被你。重視。

今日10點半起身~又食大快活早餐~好似遺忘左大家樂咁~之後去左TST~
係美麗華間May's到見到寧進同埋<-佢~
我唔記得佢叫咩名呀.........陳X~之前睇雜誌有介紹過佢~覺得佢幾靚仔~哈哈哈哈.....
題外話講完喇~其實今日去tst係開茶會~點知去到話唔係今日囉~係聽日囉~
爆無奈~最無奈既係唔知我聽錯定講個條友講錯囉~白行......
之後回家~買了久違了既大家樂食~有所謂既日式蟹皇翅+咖哩角+特色雞翼~好味.......
之後睇左譚玉英姐姐做嘉賓既娛樂直播~之後就上網~再之後就煮晚餐lu......
法證先鋒有梁烈唯呀........叫程偉勝~近期成日圍繞住佢.....哈哈~
之後15/16有基仔呀.......8萬變8千呀~好慘呀..........................
thx yellow sd相比我~thx esther 影相比我~

在這家居 這張嘴  我得罪了誰
人  容易口快說錯  搞到面左左

今日6點起身呀>.<帶隱形眼鏡既時候發左d意外呀~當我帶左眼既時候~我以為自己帶左~
點知係帶唔到呀.....但又搵唔到隻隱形眼鏡喎~之後好彩係垃圾桶到搵番咋~
嚇死我呀.......................................................>.<
之後就去左大快活食早餐~點知....未有得買住~間野係開左架~只不過係未開始售賣咁解!!
食完就搭地鐵去金鐘lu.......去到高等法院都係8點5個字咋~8點9先開審~
原來同睇電視真係好唔同架~好平靜架咋~唔會話好激烈架咋~休庭既時候~
我地就走lu.......搭619回家!!!!之後返到屋企~食完野~hea左一陣就訓覺lu......
好累呀....訓到4點幾就起身上左一陣網~之後表姐黎左~食埋飯~睇左一陣電視佢就走lu!!!

今日出左去換個舊野~由於太早既關係~去到係仲未開門既~
結果就同媽媽去左食大快活~食到12點幾就去左acl既分店~
諗住買番電話舊電~點知冇晒~要去到鴨寮街~
之後就轉移去番電腦中心~終於換到喇~但條友好似唔信我講野囉~
之後講話:打左去原廠問~o個個人已經話係壞左架喇!!佢先肯信囉~
一味話無可能架啵~結果返到屋企~阿哥一裝就OK喇~
希望舊野生生性性喇.............千祈唔好有咩事呀!!!!
老馮日記今集都幾好睇呀~stephen成日都好瘀呀..............
但又好型喎.......哈哈哈哈哈哈~

世界盃既威力究竟有幾大呢?!?!我會唔會有d自打嘴巴呢?!?!

能傷我最深的人　偏得我心
應該漠不關心　然而還著緊
當攬緊他人　想起跟你熱吻
愛過太深　原來身體會疑問
再沒法可適應別人
願醉掉了　能容許你憐憫

皮膚有你的指紋　刻得太深........