今日落左OK買野食個時見到佘仔出去,佢話佢同鄺永去打籃球,之後我就返屋企換衫同佢地去打囉...去到籃球場

之後,就緊係打籃球啦,鄺永係咁"F"我,玩死我,佢同佘仔又係到笑喎,攪到我無哂力...之後就行返屋企啦,邊行就邊

玩,唔知點解覺得雖然咁玩係好簡單,但係就覺得好開心,之後就去左7仔食野+飲思樂冰...發生左一件令我覺得我

地好FD既事,就係用同一個竹籤食魚旦,唔好話我白痴,不過無口水接觸,點會咁核突呢?之後返屋企個條路到,鄺

永撞到隻蟑螂,跟住佢哇一聲,就攞佢手上既香口膠狂掉佢,勁好笑,跟住佘仔又掉埋一份,掉到佢死咁制...之後就

返左屋企啦...

P.S.今日無聊到同人玩吸面油,睇下邊個吸得多...李嘉嘉,你無野呀?等我個頭?就算等我個頭,我都會等,口硬心軟...

鄺永話,你叫我地唔返可立就唔返可立呀?彩你都傻

今日9點幾李嘉嘉就SD左個SMS黎,話許SIR比我同鄺永去睇比賽,我地到左10:30先出去,到左之後,許SIR個樣

都仲係無乜變,可立得個幾條友,李嘉嘉個D啦...第一次咁睇田徑比賽,都幾好玩既,係咁同許SIR傾,又講起我陸運

會輸左推鉛球個件事,佢話:攞第一名係佢好彩,但係唔代表其他人無努力過,我記得我都曾經咁諗過,李嘉嘉入左

100米既決賽,鄭曜霆都入左100米既決賽,其他就全軍覆沒,許SIR問我做乜唔參加哩場比賽?我話:下,得嫁?佢話

下年幫我報名,鄺永話下年先算啦,佢驚佢整到腳...最後,李嘉嘉攞左跳遠第一同100米第三,車,我都得啦(講笑姐)

之後就跟車返可立,真係返返以前個種自己比完賽之後個種感覺,返到可立就好似返自己屋企咁...之後就走左啦

P.S.鄺永無怪你咁問呀,不過佢入我數咁解...

今日返左去可立搞活動,雖然得個兩個鍾,不過已經好開心同足夠...返到去,就緊係打籃球先啦,唔知點解係

可立籃球場係會射得準d,就算琴日整到隻腳,都唔會再痛,跟住可立愈黎愈多人返黎,今日雖然好凍,但係我

覺得間學校就好似件大褸,好溫暖既感覺...跟住就睇wasabi同高高打排球,勁到你唔信,唔包括高高...之後,

整容同嘉嘉係到幫唔知邊個係到偷影唔知邊個,跟住同陳曉華老師+茹主任傾左一陣,我地都係講中學d野,

我話唔知點解小學d同學既感情一淡,好似一講野就好尷尬,茹主任話我諗太多,陳老師又話比d信心自己...

之後就同mik入左禮堂彈琴,佢真係彈得好好聽,又快喎...跟住就差唔多走啦,感覺好似怪怪地,得兩個鍾,不

過哩兩個鍾係哩排過得最開心既...返左可立,真係覺得自己好怪,人地罵我,我明明可以反駁,但就係唔敢;明

明好想同佢地講野,但係唔夠膽...總之今日就好開心啦,希望再搞多幾次哩d茶會啦...

HELP ME HELP ME!聽日就係陸運會啦,唔知點解仲係好驚...可能跑步唔係我強項,

又或者無你地陪卦,因為有你地係到,好似比我覺得輸幾多都無所謂...第一次跑接力,

第五次係斧山道搞陸運會,驚會觸景傷情,哈哈...好多人都叫我唔好驚,又話咩我攞過

獎,驚乜野姐?攞獎大哂?我成半年無推鉛球,真係仲推得到咁勁?比D信心我啦...你,你

,你,留D打氣既CM比我呢,比D面我,同我加油...

加油!加油!加油!RED HOUSE MEMBERS ARE THE BEST!!I AM THE BEST(英文超"屎",如有打錯敬,請原諒)

今日要數測,點知個D白痴仔/女無帶量角器,比楊SIR鬧,份卷係講幾何個D野黎既,女班長無

帶,都唔知佢點做班長既...上中史堂個時,陸SIR叫我地做作業,我地無一個係認真做既,狂係

到抄人,抄抄下阮嘉俊(前面)同張俊昇(隔離)係到玩爆粗,超好笑,見佢地玩得咁開心,我又無

聊玩下,點知張俊昇鬧我喎:X你老X臭X,我話:你老X個X香嫁?搞到我地狂係到笑,梁慧儀又話

我地黎黎去去得果幾句:X你呀!撚X!打爆你條X!(以上字句,如感嘔吐,直行再轉左有間廁所)

LUNCH TIME個時,班男仔搞班際足球賽,所以我哩個偉大既班主席就買左D水比佢地啦(其

實係班會比錢)唉,我地輸左呀,廢到...上英文堂個時,有D人聽到後面有D聲(鬼),包括我啦...

跟住去"互助互勵"個時,行行下無端端整到隻手,"必"左D血出黎,點知阮嘉俊又撞到隻腳,好

邪呀...MY GOD 保佑我呀!比人揀左去4X400喎,有我係到死硬啦,仲有鉛球(YA)+100米(唉)

跳遠(佘仔+鄺永話我跳既話,沙池D沙無哂啦,我咁重...比D面我啦)加油呀!打抵黃社+綠社!