今日鄺永本來話唔出得既,但係11點幾無啦啦打比我,叫我出喎,我叫佢call左李嘉嘉先,call完之後打比我,著埋衫

+梳返個令頭(講笑姐,我梳頭?下世啦)就出左去啦,第一時間就緊係陪李嘉嘉+鄺永去鳳德m記食早餐/午餐,食食

下,佘仔打黎問我地係邊?我地話係m記,之後佢就過左黎啦,知道佢黎好人既我,就叫佢地留返DD薯條比佘仔食

食完之後就去左我呀媽間鋪既閣樓玩"啤牌",玩左一陣之後,我地話想玩耍盲雞,之後鄺永叫做果個要轉5個圈先

捉得,聽到個時笑死我,捉個時好好笑,撞黎撞去,攪到我呀媽係到鬧,我呀爸一上到黎,係到扮玩NDS...玩完之後,

我地叫鄺永著我呀媽賣既個件裙仔,笑死我地,總要係露背個種...之後變態既野稷黎啦,我同李嘉嘉扯住鄺永件

衫,跟住一野除左佢件衫,跟住李嘉嘉一野除左佘仔條褲,而我?哈哈,就緊係我力的表現既時候啦,捉住佘仔隻腳,

玩到顛哂...影左DDDD相                                         笑死人不償命的

今日練完波之後就返屋企瞓教,瞓瞓下教佘仔打黎叫我去可立,我話做乜?佢話李嘉嘉叫我

地去接佢放學,唔接死硬...我話遲d先啦,我地就收左線啦''跟住就瞓啦,李嘉嘉打黎叫我去,5

分鍾之後就換衫去左樓下,跟住去打左陣籃球...打完之後就去健康工房食"芒西",我同李嘉嘉

一齊食,鄺永飲野...之後就去7仔買野食,我食量不留咁大嫁啦,唔好話我太恐怖呀...跟住就行

落去李嘉嘉屋企個公園到,邊行邊笑,唔記得左笑d乜,講左陣野就返屋企啦...返屋企個時,鄺

永問我諗住以後我地=李嘉嘉+我+鄺永+佘仔住唔住一齊好?我話諗住18歲搬出黎住,佢話

唔可以日日都出黎住'之後佢問諗住幾歲開cafe?我話20幾歲啦,佢話:哈,諗名都諗爆你個頭

啦...其實我心入面已經諗到個名嫁啦,第時先講啦...雖然而家諗好似好遠咁,不過諗下都好開

心嫁啦...又比鄺永攞左部nds去啦,佢要入game...

P.S.聽日同3個LILY去睇戲,睇20世紀少年好定武俠梁祝好呢?

今日上到3:33分個時諗住就黎放學啦,點知黎左個火警演習,1200人用左4分幾鍾,好快...不過就攪到3:55左右先放,

跟住即刻跑過去搭72,返到去之後拿拿林換衫,call埋鄺永返可立...鄺永琴日話約左袁嘉傑既,但係問鄺永,鄺永又話

袁嘉傑個啊媽話佢未返,之後就同鄺永跑左上去可立,點知文叔話老師開緊會因為校董黎左,跟住有個新書記出黎搭

嗲,又話咩聽日先返黎啦,心諗:你邊位啊?之後我同鄺永出左去企左一陣,我就同文叔講話想搵黎sir+陳sir,去打籃球,

之後佢就叫我地入去寫地個名,睇一睇本野,好多人返過黎,我真失敗...寫寫下,吳ying ying打比我問我係邊,無幾耐佢

就返左黎,講一講先,個詢問處換左個"抬"(都可以話係令既),之後個獎杯櫃又換左,加左n盞燈係到射住,表面黎睇可以

話係令左既..不過我都係鍾意舊果個,咁高貴既野同可立好似格格不入咁...之後就入去打籃球,見到陳sir個頭髮,好型

啊,前面個"汁"染左金+啡毛...個時係男女子鬥波,女子都唔弱既,男子得蘇輝勁(佢啊媽同佢啊爸攞過n個籃球獎),佢地

打完之後,我就同吳ying ying出去射波,鄺永就係對面場,我用"T"射波,真係準左好多...又講一講,籃球場D柱加左橙色

既護墊,防撞...之後黎SIR叫左蔡蔡蔡+李嘉嘉+鄺副隊同我地鬥波,我地叫"客人隊",佢地叫可立隊,個名係就係怪左D,

不過有得打籃球就已經好開心...一開波好似係"可立隊"攞分先,之後我搶左個籃板(跳得好高,感覺上比平時早左跳),

搶贏左鄺永,黎SIR係咁話以前又唔打哩D波,而家幫哂孔仙洲啦,孔仙洲又無女籃...之後就係咁走位同搶籃板同汁死

雞,李嘉嘉比鄺永搶左個波,李嘉嘉一野打落鄺永個PAT PAT到,鄺永同黎SIR講,黎SIR話算啦,唔計啊,聽到鄺永O哂嘴

之後比我地追反,得分王=吳YING YING,佢地又話聖母=跳舞,打到最尾"客人隊"贏左!蔡蔡蔡有信心左,加油!之後請佢

地飲野,飲完野之後就去左樂合樓傾計,就係到講起可立D評估,吳YING YING話D 選擇題盡量揀哂C...傾下傾下就走

左,去左洪記同呀"E"吹水...

P.S.撞到陳曉華老師+陳智"難"老師+王(唔知咩,好好笑果個)主任+茹主任+黎SIR+陳SIR+劉主任+校長

          以前...                  同樣的地方,同樣的人,只是時間和感覺變了,但仍然快樂                 現在...

                                                                不會忘記快樂過的時候

                                                     好久沒有像以前一樣,那麼多人出來玩

                                                           哭過也好,笑過也好,至少我們有擁有

 不知道我現在多高呢? 總帶著一點點傷悲... 流過的汗水,全校的集隊,就在這裡,可惜永遠都不能再久違了...

籃球讓我明白什麼叫團結...雖然現在不能再打

"天下無不散之筵席,惟盼間來相聚"

仲有太多相未PO上黎,而家又咁"夜",所以聽朝先PO啦...

P.S.乜我變左咩?咁樣都幾好啊...聞名全天下啦,4L...